Anwosesebɛmaanlɛ
Duzu ati a ɔhyia kɛ Nyamenle azonvolɛ maa bɛ nwo anwosesebɛ a?
Ay 35:3, 4; Kɔl 3:16; 1Tɛ 5:11; Hi 3:13
-
Baebolo kɛlɛtokɛ mɔɔ boa:
-
2Ek 32:2-8—Belemgbunli Hɛzikaya maanle ye menli ne anwosesebɛ wɔ mekɛ mɔɔ bɛlɛnwunlonwunla bɛ la
-
Da 10:2, 8-11, 18, 19—Anwumabɔvolɛ bie maanle ngapezonli Daneɛle anwosesebɛ wɔ mekɛ mɔɔ yeyɛ kpanyinli na yevɛ la
-
Duzu ati a Gyihova kulo kɛ asafo nu mgbanyima maa awie mɔ anwosesebɛ a?
Eza nea Mt 11:28-30
-
Baebolo kɛlɛtokɛ mɔɔ boa:
-
Dit 3:28; 31:7, 8—Gyihova hanle kɛ ngapezonli Mosisi ɛmaa Dwɔhyua mɔɔ bali ɔ gyakɛ anu la anwosesebɛ
-
Gyi 11:22-26; 14:22—Ɛzoanvolɛ Pɔɔlo nee Baanabase maanle Kilisienema mɔɔ bɛwɔ Anteɔko mɔɔ ɛnee bɛlɛyɛ bɛ kpɔdekpɔde la anwosesebɛ
-
Duzu ati a yɛlɛmaa awie mɔ anwosesebɛ a ɔwɔ kɛ yɛfi yɛ ahonle nu yɛkanvo bɛ a?
-
Baebolo kɛlɛtokɛ mɔɔ boa:
-
Ndɛ 11:37-40—Ɛnee Yizilayɛ mraalɛ kɔ Ndɛnebuavolɛ Gyɛfeta ara raalɛ ne anwo ɛkɛ ɛvolɛ biala kɔkanvo ye kɛ ɔlɛsonle wɔ Gyihova ɛdanlɛsua ne anu la
-
Ye 2:1-4—Gyisɛse denrɛle Ɛfɛsɛse Kilisienema noko eza ɔhanvole bɛ wɔ ninyɛne mgbalɛ mɔɔ bɛyɛle la anwo
-
Kɛzi Gyihova nɔhalɛ azonvolɛ bahola amaa bɛ nwo anwosesebɛ ɛ?
Mrɛ 15:23; Ɛf 4:29; Fe 1:13, 14; Kɔl 4:6; 1Tɛ 5:14
Eza nea 2Kɔ 7:13, 15, 16
-
Baebolo kɛlɛtokɛ mɔɔ boa:
-
1Sa 23:16-18—Dwɔnatan kpondɛle ɔ gɔnwo kakula Devidi na ɔmaanle ye anwosesebɛ wɔ mekɛ mɔɔ ɔlɛyia ngyegyelɛ la
-
Dwɔn 16:33—Gyisɛse vale ye neazo ne maanle ye ɛdoavolɛma anwosesebɛ na ɔmaanle bɛnyianle anwodozo kɛ bɛdabɛ noko bɛbahola bɛali konim
-
Gyi 28:14-16—Mekɛ mɔɔ ɛzoanvolɛ Pɔɔlo ɛlɛkɔ Wulomu amaa bɛali ye edwɛkɛ la, ɔnyianle akɛnrasesebɛ wɔ mekɛ mɔɔ ɔnwunle mediema nɔhavoma na bɛmaanle ye anwosesebɛ la
-
Duzu ati a ɔnle kɛ yɛtendɛ yɛ nzo abo, emomu yɛbu awie mɔ ɛ?
-
Baebolo kɛlɛtokɛ mɔɔ boa:
-
Nɔm 11:10-15—Ngapezonli Mosisi asa anu dole ɔluakɛ ɛnee menli ne ɛmbu debie yɛɛ bɛ nzo yɛ se
-
Nɔm 13:31, 32; 14:2-6—Edwɛkɛ ɛtane mɔɔ busiama bulu ne hanle la maanle menli ne asa anu dole na bɛdele atua
-
Kɛzi yɛ nee yɛ mediema tu a ɔmaa yɛnyia akɛnrasesebɛ ɛ?
Mrɛ 27:17; Wlo 1:11, 12; Hi 10:24, 25; 12:12
-
Baebolo kɛlɛtokɛ mɔɔ boa:
-
2Ek 20:1-19—Mɔɔ ɛlɔnema dɔɔnwo rale Belemgbunli Gyɛhɔhyafate anwo zo la, ɔboɔboale menli ne anloa na bɛyɛle asɔne
-
Gyi 12:1-5, 12-17—Mɔɔ bɛhunle ɛzoanvolɛ Gyemise na bɛdole ɛzoanvolɛ Pita efiade la, asafo ne mɔɔ wɔ Gyɛlusalɛm la yiale nu yɛle asɔne
-
Kɛzi yɛnyia adwenle kpalɛ a ɔbamaa yɛ anwosesebɛ yeamaa yɛagyinla mekɛ mɔɔ anu yɛ se la anloa ɛ?
Gyi 5:40, 41; Wlo 8:35-39; 1Kɔ 4:11-13; 2Kɔ 4:16-18; 1Pi 1:6, 7
-
Baebolo kɛlɛtokɛ mɔɔ boa:
-
Gyn 39:19-23; 40:1-8—Ɔnva nwo kɛ bɛdole Dwosefi ɛzonle na bɛdole ye efiade la, ɔhɔle zo ɔlile nɔhalɛ yɛɛ ɛnee ɔkulo kɛ ɔboa awie mɔ
-
2Ar 6:15-17—Ɛzulolɛ anga Yilaehya wɔ mekɛ mɔɔ ɛnee ye ngoane la esiane nu la na ɔyɛle asɔne kɛ ye sonvolɛ ne noko mmasulo
-
Kpondɛ anwosesebɛmaanlɛ wɔ Gyihova Edwɛkɛ ne anu
Edwɛkɛ mɔɔ maa anwosesebɛ la boni a Gyihova ɛha a?
Saa yɛdwenledwenle Gyihova abotane nee ye anwunvɔnezelɛ ne anwo a, kɛzi ɔmaa yɛ anwosesebɛ ɛ?
Duzu a Gyihova yɛ maa menli mɔɔ ɛyɛ bɛtɛɛ la ɛ?
Ed 46:1; Ay 12:2; 40:29-31; Fe 4:13
-
Baebolo kɛlɛtokɛ mɔɔ boa:
-
1Sa 1:10, 11, 17, 18—Gyihova diele Hana asɔneyɛlɛ na ɔboale ye ɔmaanle ɔnyianle anzodwolɛ wɔ mekɛ mɔɔ ɔlɛdi nyane na yeva ɛya la
-
1Ar 19:1-19—Mɔɔ ngapezonli Yilaegya asa anu dole la, Gyihova boale ye kɛ mɔɔ ɔfɛta la. Ɔmaanle ye anwosesebɛ na ɔkyekyele ɔ rɛle na ɛhye maanle ɔnyianle anyelazo
-
Kɛzi kenle bie anyelazo mɔɔ wɔ Baebolo ne anu la maa yɛnyia akɛnrasesebɛ ɛ?
2Ek 15:7; Ed 27:13, 14; Hi 6:17-19; 12:2
-
Baebolo kɛlɛtokɛ mɔɔ boa:
-
Dwb 14:1, 2, 7-9, 13-15—Mɔɔ Dwobu asa anu dole bɔbɔ la, ewudwazo anyelazo ne kyekyele ɔ rɛle
-
Da 12:13—Anwumabɔvolɛ bie hanle ahatualɛ mɔɔ ngapezonli Daneɛle mɔɔ ɛli kɛyɛ ɛvolɛ 100 la banyia ye kenle bie la vale maanle ye anwosesebɛ
-
Duzu ati a saa yɛyɛ asɔne na yɛdwenledwenle Gyihova anwo a ɔbamaa yɛ anwosesebɛ a?
-
Baebolo kɛlɛtokɛ mɔɔ boa:
-
1Sa 30:1-9—Mɔɔ Belemgbunli Devidi yiale ngyegyelɛ la, ɔzɛlɛle Gyihova na ɔnyianle anwosesebɛ
-
Lu 22:39-43—Mɔɔ Gyisɛse yiale sɔnea mɔɔ anu yɛ se kpalɛ la, ɔzɛlɛle Gyihova na ɔmaanle anwumabɔvolɛ ramaanle ye anwosesebɛ
-
Kɛzi amaneɛbɔlɛ kpalɛ maa yɛ anwosesebɛ ɛ, na duzu ati a ɔwɔ kɛ yɛka nwolɛ edwɛkɛ yɛkile awie mɔ a?
-
Baebolo kɛlɛtokɛ mɔɔ boa:
-
Gyi 15:2-4—Ɛzoanvolɛ Pɔɔlo nee Baanabase maanle asafo ngakyile mɔɔ bɛhɔkpɔlale bɛ la anwosesebɛ kpalɛ
-
3Dw 1-4—Mɔɔ ɛzoanvolɛ Dwɔn yɛle kpanyinli na ɔdele kɛ menli mɔɔ yehilehile bɛ la ɛlɛfa nɔhalɛlilɛ azonle la ɔmaanle ye anwosesebɛ
-