Diedi Afonlafonla
Asoo ɛzonlenlɛ kɔsɔɔti anu amra sonle Nyamenle ko ne ala ɔ?
Asoo Baebolo ne kilehile kɛ Gyihova die ɛzonlenlɛ kɔsɔɔti to nu, saa bɛ ngilehilelɛ ɛnle ko bɔbɔ a?
Mt 7:13, 14; Dwɔn 17:3; Ɛf 4:4-6
-
Baebolo kɛlɛtokɛ mɔɔ boa:
-
Dwɔh 24:15—Dwɔhyua hanle kɛ ɔwɔ kɛ yɛkpa kɛ yɛbazonle Gyihova anzɛɛ yɛbazonle nyamenle gyɛne
-
1Ar 18:19-40—Gyihova luale ngapezonli Yilaegya anwo zo hilele kɛ ɔnle kɛ menli mɔɔ sonle nɔhalɛ Nyamenle ne la sonle nyamenle gyɛne le kɛ Beeyale
-
Kɛzi Gyihova bu maanle maanle ne mɔ nyamenle ne mɔ nee ɛzonlenlɛ mɔɔ bɛfa bɛmaa bɛ la ɛ?
Kɛzi Gyihova bu menli mɔɔ bɛka kɛ bɛlɛsonle ye noko bɛfa nyɛleɛ mɔɔ ɔkyi la bɛboka nwolɛ la ɛ?
Ay 1:13-15; 1Kɔ 10:20-22; 2Kɔ 6:14, 15, 17
-
Baebolo kɛlɛtokɛ mɔɔ boa:
-
Ɛzɛ 32:1-10—Yizilayɛma piepianle Aalɔn bɛmaanle ɔyɛle boaneralɛ ananze na bɛhanle kɛ bɛlɛdi ‘ɛvoyia bɛawula Gyihova anyunlunyia’ na ɛhye hanle Gyihova ɛya kpole
-
1Ar 12:26-30—Amaa menli ne angɔnzonle wɔ Gyɛlusalɛm ɛzonlenlɛsua ne anu la, Belemgbunli Gyɛlɔbowam yɛle ananze na ɔhanle kɛ ɔgyi ɛkɛ ne ɔmaa Gyihova, ɛhye maanle menli ne yɛle ɛtane
-
Kɛzi Gyihova maanle Yizilayɛma nwunle kɛ ɔnle kɛ bɛ nee menli mɔɔ sonle nyamenle gyɛne la bɔ nu sonle ɛ?
Mɔɔ Gyihova menli ne zonlenle nyamenle gyɛne la, duzu a ɔyɛle a?
Ndɛ 10:6, 7; Ed 106:35-40; Gyɛ 44:2, 3
-
Baebolo kɛlɛtokɛ mɔɔ boa:
-
1Ar 11:1-9—Belemgbunli Sɔlɔmɔn nyɛvolɛ mraalɛ ne mɔ piepianle ye maanle ɔzonlenle nyamenle gyɛne na ɔmaanle menli gyɛne noko yɛle zɔ, ɛhye hanle Gyihova ɛya
-
Ed 78:40, 41, 55-62—Esafe hanle kɛzi Yizilayɛma atuadelɛ nee awozonlezonlenlɛ ne maanle Gyihova lile nyane na ɔmaanle ɔkpole bɛ la anwo edwɛkɛ
-
Asoo Gyisɛse liele ngilehilelɛ mɔɔ nee Nyamenle Edwɛkɛ ne ɛnle ko la dole nu?
-
Baebolo kɛlɛtokɛ mɔɔ boa:
-
Mt 16:6, 12—Gyisɛse vale Falasiima nee Sadusiima ngilehilelɛ ne totole mgbɔvonle nwo, ɔluakɛ adalɛ ngilehilelɛ salo ndɛndɛ yɛɛ ɔsɛkye nɔhalɛ ngilehilelɛ ne mɔɔ wɔ Nyamenle Edwɛkɛ ne anu la
-
Mt 23:5-7, 23-33—Gyisɛse dendɛle tiale mɛla kilehilevolɛma nee Falasiima wɔ bɛ nabalaba nyɛleɛ nee bɛ adalɛ ngilehilelɛ ne anwo
-
Mk 7:5-9—Gyisɛse kpale Falasiima nee mɛla kilehilevolɛ ne anwo ɛdanlɛ ɔluakɛ ɛnee bɛkilehile sonla amaamuo bɛtɛla Nyamenle Edwɛkɛ ne
-
Asoo Gyisɛse hanle kɛ ye ɛdoavolɛma ɛtete ɛzonlenlɛ ngakyile ɔ?
-
Baebolo kɛlɛtokɛ mɔɔ boa:
-
Dwɔn 15:4, 5—Gyisɛse vale vanye yɛle koyɛlɛ mɔɔ ɔwɔ kɛ ɔtɛnla ɔdaye, ye ɛdoavolɛma nee bɛ gɔnwo mɔ Kilisienema avinli la anwo ndonwo
-
Dwɔn 17:1, 6, 11, 20-23—Wɔ nɔe ne mɔɔ aleɛ kye a Gyisɛse bawu na ɔ nee ye ɛzoanvolɛma yiale la, ɔyɛle asɔne kɛ koyɛlɛ ɛdɛnla ye nɔhalɛ ɛdoavolɛma avinli
-
Asoo ɛnee ɛvoya mɔɔ limoa Kilisiene asafo ne mɔ ngilehilelɛ le ko yɛɛ bɛluale adenle ko ne ala azo bɛzonlenle Gyihova ɔ?
-
Baebolo kɛlɛtokɛ mɔɔ boa:
-
Gyi 11:20-23, 25, 26—Asafo ne mɔ mɔɔ wɔ Anteɔko nee Gyɛlusalɛm la yɛle ko yɛɛ bɛbɔle nu bɛyɛle gyima
-
Wlo 15:25, 26; 2Kɔ 8:1-7—Ɛvoya mɔɔ limoa Kilisiene asafo ne mɔ hyɛle bɛ nwo ninyɛne bɛvale bɛhilele kɛ koyɛlɛ nee ɛlɔlɛ wɔ bɛ avinli
-
Saa menli ka kɛ bɛdie Kelaese bɛdi a, asoo yemɔ kile kɛ bɛ ɛzonlenlɛ ne sɔ Nyamenle anye ɔ?
Saa ɛzonlenlɛ bie ngilehilelɛ nee Kelaese yɛɛ ɛzoanvolɛ ne mɔ ɛdeɛ ɛnle ko a, asoo bɛ ɛzonlenlɛ ne le kpalɛ ɔ?
-
Baebolo kɛlɛtokɛ mɔɔ boa:
-
Mt 13:24-30, 36-43—Gyisɛse vale adalɛ Kilisienema totole ndile nwo na ɔhanle kɛ adalɛ Kilisienema dɔɔnwo bara na mekɛ ɛlɛkɔ la bɛbanyia asafo ne azo tumi
-
1Dw 2:18, 19—Ɛzoanvolɛ Dwɔn mɔɔ ɛyɛ kpanyinli la hanle kɛ menli dɔɔnwo mɔɔ dwazo tia Kelaese la rale wɔ ɛvoya mɔɔ limoa la awieleɛ
-
Saa bɛmaa awie mɔɔ kilehile adalɛ ngilehilelɛ na ɔmbɔ ɛbɛla kpalɛ la tɛnla asafo ne anu a, duzu a bazi a?
Duzu a ɔwɔ kɛ Kilisienema yɛ amaa koyɛlɛ adɛnla bɛ avinli a?
Duzu ati a ɔnle kɛ Kilisienema fa bɛ nwo wulowula adalɛ ɛzonlenlɛ nu a?
Duzu ati a ɔle kpalɛ kɛ yɛbakpa adalɛ ɛzonlenlɛ nwo ɛdanlɛ a?
Saa menli mɔɔ wɔ adalɛ ɛzonlenlɛ nu la dwazo tia yɛ na bɛyɛ yɛ kpɔdekpɔde a, duzu ati a ɔnzi yɛ nwo a?
Bie A Eza Ɛ Nye Balie
KPUYA MƆƆ MENLI TA BIZA
Asoo Gyihova Alasevolɛ Die Diedi Afonlafonla To Nu?
Baebolo nu ngilehilelɛ boni a boa bɛ maa bɛbua kpuya ɛhye a?
ƐZINZALƐ ARANE
Diedi Afonlafonla
Ɔwɔ kɛ bɛdua adenle biala azo bɛkpondɛ koyɛlɛ nee mediemayɛlɛ ɔ? Kɛzi Baebolo ne bua la bazi ɛ nwo.
BAEBOLO KPUYA MƆƆ BƐBUA
Asoo Asɔne Kɔsɔɔti Le Ko Ɔ? Asoo Nyamenle Die Ɔ Muala To Nu Ɔ?
Ndenle nwiɔ mɔɔ bɛzi zolɛ wɔ Baebolo ne anu la maa yɛnyia mualɛ ne.
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
