Folɛdulɛ
Bɛtu yɛ folɛ a
Duzu ati a ɔwɔ kɛ yɛkpondɛ folɛdulɛ mɔɔ gyi Baebolo ne azo la ɛ?
Duzu ati a ɔle kpalɛ kɛ yɛtie folɛdulɛ tɛla kɛ yɛbava edwɛkɛ yɛaye yɛ nloa a?
Eza nea Mrɛ 1:23-31; 15:31
-
Baebolo kɛlɛtokɛ mɔɔ boa:
-
1Sa 15:3, 9-23—Mɔɔ ngapezonli Samoɛle denrɛle Sɔɔlo la, Sɔɔlo bule mɔɔ ɔyɛle la kɛ ɔle kpalɛ na ɔkpole folɛdulɛ ne; ɔti Gyihova kpole ye
-
2Ek 25:14-16, 27—Belemgbunli Amazaya yɛle ɛtane na ɔkpole folɛ mɔɔ Gyihova luale ye ngapezonli ne anwo zo dule ye la, ɔti yeannyia Gyihova anyunlu ɛlolɛ nee banebɔlɛ
-
Duzu ati a ɔwɔ kɛ yɛbu neavolɛma mɔɔ tu yɛ folɛ la ɛ?
1Tɛ 5:12; 1Ti 5:17; Hi 13:7, 17
-
Baebolo kɛlɛtokɛ mɔɔ boa:
-
3Dw 9, 10—Ɛzoanvolɛ Dwɔn mɔɔ ɛyɛ kpanyinli la deanle Dayɛtelɛfizi ɔluakɛ ɛnee ɔmbu menli mɔɔ li Kilisiene asafo ne anyunlu la
-
Duzu ati a ɔwɔ kɛ yɛtie mgbanyima a?
Eza nea Dwb 12:12; 32:7; Ta 2:3-5
-
Baebolo kɛlɛtokɛ mɔɔ boa:
-
1Sa 23:16-18—Belemgbunli Devidi diele Dwɔnatan mɔɔ tɛla ye kpanyinli kɛyɛ ɛvolɛ 30 la folɛdulɛ, na ɛhye maanle ye anwosesebɛ
-
1Ar 12:1-17—Belemgbunli Rilihɔbowam andie folɛ kpalɛ mɔɔ mgbanyima ne mɔ dule ye la, emomu ɔdiele folɛ ɛtane mɔɔ mgbavolɛ ne mɔ dule la, ɔti yeanwie ye boɛ
-
Duzu a kile kɛ mraalɛ nɔhavoma nee Gyihova azonvolɛ mɔɔ le ngakula la bahola adu folɛ kpalɛ a?
Dwb 32:6, 9, 10; Mrɛ 31:1, 10, 26; No 4:13
Eza nea Ed 119:100
-
Baebolo kɛlɛtokɛ mɔɔ boa:
-
1Sa 25:14-35—Abegɛle dule Belemgbunli Devidi folɛ mɔɔ liele menli dɔɔnwo ngoane la yɛɛ yeammaa Devidi anli mogya nwo fɔlɛ
-
2Sa 20:15-22—Raalɛ nrɛlɛbɛvolɛ bie mɔɔ de suakpole Ebɛle azo la luale ye folɛdulɛ zo liele sua ne azo amra ngoane
-
2Ar 5:1-14—Yizilayɛnli kakula raalɛ bie hanle hilele sogyanli bie kɛ bɛbahola bɛayɛ ye kokobɛ ne ayile
-
Duzu ati a ɔnle kɛ yɛtie menli mɔɔ ɛmbu Gyihova anzɛɛ ye Edwɛkɛ ne la folɛdulɛ a?
Eza nea Lu 6:39
-
Baebolo kɛlɛtokɛ mɔɔ boa:
-
1Ek 10:13, 14—Belemgbunli Sɔɔlo gyakyile Gyihova na ɔhɔbizale edwɛkɛ wɔ awie mɔɔ tendɛ sunsum ɛtane nloa azo la ɛkɛ na ɔwule ɔluakɛ yeanli nɔhalɛ
-
2Ek 22:2-5, 9—Belemgbunli Ehazaya amkpondɛ folɛtuvolɛma kpalɛ, na ɔluale zo ɔwule
-
Dwb 21:7, 14-16—Dwobu annyia menli mɔɔ ɛmbu Gyihova la adwenle ne bie
-
Ɛlɛtu folɛ a
Duzu ati a ɔle kpalɛ kɛ ɛtie edwɛkɛ ne, ɛnwu nɔhalɛ ne amuala, ɛtie afoa nwiɔ ne kolaa na wɔadu folɛ a?
Eza nea Mrɛ 25:8
-
Baebolo kɛlɛtokɛ mɔɔ boa:
-
1Sa 1:9-16—Ɛsɔfo Kpanyinli Yilae deanle Hana kolaa na yeade ye tɛnlabelɛ ne abo, ɛnee ɔdwenle kɛ yebo
-
Mt 16:21-23—Kɛmɔ ɛzoanvolɛ Pita ɛnze edwɛkɛ ne anu la ati ɔdeanle Gyisɛse, na ɔdule ye folɛ mɔɔ Seetan anye die nwo noko Gyihova ɛngulo la
-
Duzu ati a ɔwɔ kɛ ɛyɛ asɔne ɛkpondɛ adehilelɛ ɛfi Gyihova ɛkɛ kolaa na wɔadu folɛ a?
Ed 32:8; 73:23, 24; Mrɛ 3:5, 6
-
Baebolo kɛlɛtokɛ mɔɔ boa:
-
Ɛzɛ 3:13-18—Ngapezonli Mosisi hanle kɛ Gyihova ɛboa ye ɛmaa ɔnwu kɛzi ɔwɔ kɛ ɔbua Yizilayɛma kpuya ne mɔ kpalɛ la
-
1Ar 3:5-12—Mɔɔ Belemgbunli Sɔlɔmɔn le kakula la ɔzɛlɛle Gyihova kɛ ɔmaa ye nrɛlɛbɛ, yeanva ɔ nwo yeando ɔ nwo zo, ɔti Gyihova yilale ye
-
Duzu ati a ɔwɔ kɛ yɛmaa yɛ folɛdulɛ gyinla Nyamenle Edwɛkɛ ne azo dahuu a?
Ed 119:24, 105; Mrɛ 19:21; 2Ti 3:16, 17
Eza nea Dit 17:18-20
-
Baebolo kɛlɛtokɛ mɔɔ boa:
-
Mt 4:1-11—Gyisɛse vale Nyamenle Edwɛkɛ ne buale Seetan sɔnea ne mɔ, yeanva ɔdaye mumua ye nrɛlɛbɛ
-
Dwɔn 12:49, 50—Gyisɛse hanle kɛ ye ngilehilelɛ ne amuala gyi mɔɔ ɔ Ze ɛhilehile ye la azo, ɛhye le neazo kpalɛ maa yɛ
-
Duzu ati a yɛlɛtu awie folɛ a ɔwɔ kɛ yɛyɛ ye bɛtɛɛ na yɛbɔ mɔdenle yɛfi yɛ ahonle nu yɛkanvo ye a?
Eza nea Ay 9:6; 42:1-3; Mt 11:28, 29
-
Baebolo kɛlɛtokɛ mɔɔ boa:
-
2Ek 19:2, 3—Gyihova luale ngapezonli bie anwo zo denrɛle Belemgbunli Gyɛhɔhyafate noko ɔhanvole ye wɔ ninyɛne mgbalɛ mɔɔ yeyɛ la anwo
-
Ye 2:1-4, 8, 9, 12-14, 18-20—Gyisɛse limoale hanvole asafo dɔɔnwo bie kolaa na yeadu bɛ folɛ
-
Saa adiema bie ka kile yɛ kɛ adiema gyɛne ɛsisi ye anzɛɛ ɛzɛkye ye duma a, duzu ati a ɔle kpalɛ kɛ yɛmaa ye anwosesebɛ kɛ ɔ nee diema ne mɔɔ ɛvo ye la angomekye ɛhɔziezie edwɛkɛ ne a?
Eza nea Lɛv 19:17
Kɛzi yɛbamaa adiema mɔɔ ɔte nganeɛ kɛ awie ɛvo ye la anwosesebɛ kɛ ɔze anwunvɔne, ɔnyia abotane na ɔva ɛtane ɔhyɛ ɛ?
Mt 18:21, 22; Mk 11:25; Lu 6:36; Ɛf 4:32; Kɔl 3:13
Eza nea Mt 6:14; 1Kɔ 6:1-8; 1Pi 3:8, 9
-
Baebolo kɛlɛtokɛ mɔɔ boa:
-
Mt 18:23-35—Gyisɛse yɛle ndonwo kɛnlɛma bie vale hilehilele deɛmɔti ɔhyia kɛ yɛfa ɛtane yɛkyɛ la anu
-
Duzu ati a ɔwɔ kɛ yɛfa Gyihova ngyinlazo ne mɔ yɛdi gyima kpalɛ wɔ mekɛ mɔɔ yɛlɛtu folɛ la ɛ?
Ed 141:5; Mrɛ 17:10; 2Kɔ 7:8-11
-
Baebolo kɛlɛtokɛ mɔɔ boa:
-
1Sa 15:23-29—Ngapezonli Samoɛle anzulo Belemgbunli Sɔɔlo na ɔdule ye folɛ
-
1Ar 22:19-28—Ngapezonli Maekaya angakyi kɔkɔ mɔɔ ɔwɔ kɛ ɔbɔ Belemgbunli Ehabe la, ɔnva nwo kɛ bɛnwunlonwunlanle ye na bɛyɛle ye amumuyɛ la
-
Kɛ ɔkɛyɛ na yɛadu awie folɛ mɔɔ baboa ye wɔ sunsum nu la ɛ?
-
Baebolo kɛlɛtokɛ mɔɔ boa:
-
Lu 22:31-34—Gyisɛse nyianle anwodozo kɛ Pita bahola amaa awie mɔ anwosesebɛ ɔnva nwo kɛ yɛyɛ nvonleɛ mgbole la
-
Fa 21—Ɛzoanvolɛ Pɔɔlo hanle kɛ ɔlɛ anwodozo kɛ Faelimɔn bava ye folɛdulɛ ne ayɛ gyima
-
Saa yɛlɛtu menli mɔɔ ɛlɛdi nyane anzɛɛ bɛ rɛle ɛbɔ la folɛ a kɛ ɔkɛyɛ na yɛala atiakunlukɛnlɛma ali yɛahile bɛ ɛ?
Kɛ ɔkɛyɛ na yɛamaa awie mɔɔ ɛyɛ ɛtane la anwu kɛ yɛ bodane a le kɛ yɛboa ye yɛamaa yeahakyi ɛ?
Kɛ ɔkɛyɛ na yɛali menli mɔɔ yɛtu bɛ folɛ la eni ɔnva nwo ɛvolɛ mɔɔ bɛli, saa bɛle mrenyia anzɛɛ mraalɛ ɛ?
Saa bɛtu awie folɛ fane dɔɔnwo na ɔnva ɔnyɛ gyima a, duzu ati a ɔwɔ kɛ mgbanyima maa ye ndeanlɛ mɔɔ anu yɛ se la ɛ?
Bie A Eza Ɛ Nye Balie
SUKOA BƐ DIEDI
Abegeli—Ɔvale Nrɛlɛbɛ Ɔlile Gyima
Duzu a yɛsukoa yɛfi Abegeli agyalɛ nu ngyegyelɛ ne anu a?
SUKOA DEBIE FI BAEBOLO NE ANU
Sogyanli Bie Nee Kakula Raalɛ Ekyi Ne
Yizilayɛnli kakula bɛlɛra bie hanle Gyihova tumi kpole ne anwo edwɛkɛ hilele Neeman aye ne—nwanwane debie vi nu rale.
SUKOA BƐ DIEDI
Pita—Ɔlile Nɔhalɛ Wɔ Sɔnea Nu
Kɛzi Pita diedi nee ye nɔhalɛlilɛ boale ye manle ɔdiele folɛdulɛ ɔvile Gyisɛse ɛkɛ ɛ?
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
