Mɔɔ Gyisɛse Yɛle La

Duzu A Yɛsukoa Yɛfi Gyisɛse Ɛkɛ A?

2. Yɛkulo yɛ sukoavoma edwɛkɛ noko ɔwɔ kɛ yɛmaa bɛnwu mɔɔ ɔhyia kɛ bɛyɛ la wienyi amaa bɛanyia sunsum nu anyuhɔlɛ.

 Sukoa Gyisɛse

3. Boa wɔ sukoavo ne maa ɔva bodane ɔzie ɔ nye zo na ɔdwu nwo.

1.   a. Fa “Bodane” foa ne mɔɔ wɔ Nyia Anyelielɛ Dahuu! buluku ne ɛzukoalɛdeɛ ko biala anu la di gyima.

2.  b. Boa wɔ sukoavo ne maa ɔnwu ninyɛne fɔɔnwo bie mɔ mɔɔ ɔwɔ kɛ ɔyɛ amaa yeadwu bodane mɔɔ ɛngyɛ nee mɔɔ ɔbahyɛ la anwo.

3.  d. Kɔ zo kanvo wɔ sukoavo ne wɔ anyuhɔlɛ mɔɔ ɔlɛnyia la anwo.

4. Nwu ninyɛne mɔɔ ɔnrɛmaa wɔ sukoavo ne ɛnrɛnyia anyuhɔlɛ la, na boa ye maa ɔli nwolɛ gyima.

1.    Biza ɛ nwo kɛ:

   • ‘Saa me sukoavo ne ɛnnyia anyuhɔlɛ mɔɔ bamaa yeafɛta ɛzɔnenlɛ a, duzu a ɛlɛsi ye adenle a?’

   • ‘Duzu a mebahola meayɛ meava meaboa ye a?’

2. Sɛlɛ akɛnrasesebɛ amaa wɔaha mɔɔ ɔhyia kɛ wɔ sukoavo ne yɛ la anwo edwɛkɛ wienyi wɔ ɛlɔlɛ nu wɔahile ye.

5. Pɛ debiezukoalɛ mɔɔ ɛnnyia anyuhɔlɛ la azo.

1.    Amaa wɔanwu kɛ Baebolo ɛzukoalɛ ne ɛlɛkɔ zo la, biza ɛ nwo kpuya ɛhye mɔ:

   • ‘Asoo sukoavo ne ɛlɛfa mɔɔ ɔlɛsukoa la yeali gyima ɔ?’

   • ‘Asoo ɔkɔ debiezukoalɛ yɛɛ ɔka mɔɔ ɔlɛsukoa bie ɔkile awie mɔ ɔ?’

   • ‘Saa yezukoa debie yehyɛ ekyii a, asoo ɔkulo kɛ ɔyɛ Gyihova Dasevolɛ ɔ?’

2.   Saa sukoavo bie ɛnnyia anyuhɔlɛ a:

   • Ka kile ye maa ɔzuzu debie mɔɔ ɛmmaa ɔnnyia anyuhɔlɛ la anwo.

   • Kilehile deɛmɔti ɛlɛpɛ debiezukoalɛ ne azo la anu kile ye wɔ ɛbulɛ nu.

   • Maa ɔnwu anyuhɔlɛ mɔɔ ɔwɔ kɛ ɔnyia kolaa na ɛ nee ye adoa debiezukoalɛ ne azo bieko la.