BƆ ADAWUBƆLƐ BO
ƐZUKOALƐDEƐ 4
Mɛlɛbɛnwoaze
Ngyinlazo: “Bɛbɛlɛ bɛ nwo aze na bɛbu bɛ gɔnwo mɔ bɛdɛla bɛ nwo.”—Fel. 2:3.
Mɔɔ Pɔɔlo Yɛle La
1. Nea VIDIO ne, anzɛɛ kenga Gyima ne 26:2, 3. Akee suzu kpuya ɛhye mɔ anwo:
-
Kɛzi Pɔɔlo dendɛle mɛlɛbɛnwoaze nu hilele Belemgbunli Agelepa ɛ?
-
Kɛzi Pɔɔlo hwenle adwenle hɔle Gyihova nee Ngɛlɛlera ne azo dɛlale ɔdaye mumua ne ɔ nwo zo ɛ?—Nea Gyima ne 26:22.
Duzu A Yɛsukoa Yɛfi Pɔɔlo Ɛkɛ A?
2. Saa yɛka yɛ edwɛkɛ ne wɔ mɛlɛbɛnwoaze nee ɛbulɛ nu a menli nye die nwo.
Sukoa Pɔɔlo
3. Tendɛ ɛbulɛ nu. Mmamaa ɔyɛ kɛ asɛɛ ɛze debie biala na ahenle ɛnze ɛhwee la.
4. Maa ɔla ali kɛ edwɛkɛ ne vi Baebolo ne anu. Nyamenle Edwɛkɛ ne ka menli ahonle. Saa yɛfa yɛkilehile a, yɛmaa bɛ diedi ne gyinla adiabo kpalɛ zo.
5. Bɛlɛ ɛ nwo aze. Mmayɛ kyengye kɛ ɛmaa yeanwu kɛ mɔɔ ɛlɛka la le nɔhalɛ. Yɛngulo kɛ yɛsu kpolera. Sie ɛ nwo dii maa ɔnwu kɛ ɛbɛlɛ ɛ nwo aze na nwu mekɛ mɔɔ ɔwɔ kɛ ɛfi ɛkɛ la. (Mrɛ. 17:14; Tae. 3:2) Saa ɛtendɛ mɛlɛbɛnwoaze nu a, ɔbamaa yeadie edwɛkɛ ne kenle fofolɛ.
