Kolaa na bɛabɔ debiezukoalɛ ne abo la

1. 1. Siezie ɛ nwo kpalɛ. Saa ɛlɛsiezie ɛ nwo a, dwenle wɔ sukoavo ne ngyianlɛ, ye tɛnlabelɛ nee ye diedi ne anwo. Nea kɛ ɛbanwu ninyɛne mɔɔ ɔbahyia moalɛ na yeade ɔ bo anzɛɛ yeava yeayɛ gyima la. Suzu kɛzi edwɛkɛ mɔɔ wɔ “Kpondɛ Dɔɔnwo” foa ne baboa wɔ sukoavo ne la anwo, na yɛ ye ndɛ fa boa ye wɔ mekɛ mɔɔ debiezukoalɛ ne ɛlɛkɔ zo la.

Debiezukoalɛ ne ɛlɛkɔ zo a

1. 2. Saa sukoavo ne die to nu a, bɛva asɔneyɛlɛ bɛbɔ ɔ bo na bɛva bɛkpɔne.

2. 3. Nea na wɔandendɛ dɔɔnwo. Fa wɔ adwenle sie edwɛkɛ mɔɔ wɔ buluku ne anu la azo na maa sukoavo ne ɛnyia adenle ɛdendɛ.

3. 4. Saa ɛlɛbɔ foa fofolɛ bo a, kenga foa ne bodane ne, na ka ɛzukoalɛdeɛ mɔɔ wɔ nuhua la ekyi anwo edwɛkɛ.

4. 5. Saa bɛwie foa bie a, fa ndinu foa ne boa wɔ sukoavo ne maa ɔhakye ninyɛne mɔɔ yezukoa la.

5. 6. Ɛ nee wɔ sukoavo ne ɛlɛsukoa ɛzukoalɛdeɛ ko biala a:

   1. a. Bɛgenga edwɛkɛ ne.

   2. b. Bɛgenga ngɛlɛlera kɔsɔɔti mɔɔ bɛhɛlɛ nwolɛ “Kenga” la.

   3. d. Bɛgenga ngɛlɛlera gyɛne mɔɔ wɔ nu la kɛ mɔɔ ɔhyia la.

   4. ɛ. Bɛnlea vidio kɔsɔɔti mɔɔ bɛhɛlɛ nwolɛ “Ye” la (saa bɛbahola bɛaye a).

   5. e. Biza sukoavo ne kpuya ko biala.

   6. f. Maa sukoavo ne ɛnlea nvoninli mɔɔ wɔ “Sukoa Dɔɔnwo” foa ne la, na biza ye maa ɔha nwolɛ edwɛkɛ.

   7. g. Fa “Bodane” foa ne boa wɔ sukoavo ne maa ɔnlea anyuhɔlɛ mɔɔ ɔlɛnyia la. Ɛbahola wɔamaa yeanlea bodane ne mɔɔ wɔ ɛkɛ la azo yeava bodane gyɛne anzɛɛ fofolɛ yeazie ɔ nye zo.

   8. h. Biza sukoavo ne saa ɔlɛsiezie ɔ nwo la, ɔ nye liele edwɛkɛ anzɛɛ vidio mɔɔ wɔ “Kpondɛ Dɔɔnwo” foa la bie anwo a.

   9. i. Saa bɛbɔ ɛzukoalɛdeɛ ko biala abo a, bɛbɔ mɔdenle bɛzukoa bɛwie.

Bɛwie debiezukoalɛ ne a

1. 7. Kɔ zo dwenle wɔ sukoavo ne anwo. Sɛlɛ Gyihova kɛ ɔyila wɔ sukoavo ne ɔmaa ɔnyia anyuhɔlɛ na ɔmaa wɔ nrɛlɛbɛ amaa wɔanwu kɛzi ɛbaboa ye la.