FOA NWIƆ
“Wɔgua Me Ɛzonlenlɛsua Ne Anwo Evinli”—Bɛgua Nɔhalɛ Ɛzonlenlɛ Nwo Evinli
BODANE: Dwuda nee Gyɛlusalɛm anwo ɛgua evinli wɔ sunsum nu nee ɛbɛlabɔlɛ nu
Gyihova hulole Yizilayɛma na ɔnleanle bɛ kɛ ye “agyapadeɛ mɔɔ sonle bolɛ.” (Ɛzɛ. 19:5, ɔbdw.) Noko mɔɔ bɛvale bɛduale Gyihova kakɛ la a le kɛ bɛzonlenle adalɛ nyamenle wɔ ye ɛzonlenlɛsua ne anu! Bɛmaanle ɔlile nyane yɛɛ bɛmaanle bɛdendɛle bɛtiale ye. Duzu ati a Yizilayɛ anwo guale evinli kpole a? Duzu a yɛbahola yɛazukoa yɛavi Yizikeɛle ngapezo ne mɔɔ fale Gyɛlusalɛm ɛzɛkyelɛ ne anwo la anu a? Na duzu a yɛkola yɛsukoa yɛfi kɛzi Yizilayɛ nee maanle maanle mɔɔ ɛbɔ ye ɛyia lile la anu a?
WƆ FOA ƐHYE
TILE 5
“Nea Ninyɛndane, Bɛkyi Ninyɛne Mɔɔ Bɛlɛyɛ”
Yizikeɛle nwunle ninyɛne mɔɔ yɛ azibɛnwo mɔɔ kile kɛ maanle ne amuala ɛzonlenlɛ nwo ɛgua evinli la.
TILE 6
“Wɔ Awieleɛ Ɛdwu”
Yizikeɛle ngapezo nwo yɛkile ne ka Gyihova ɛya kpole ne mɔɔ tia Gyɛlusalɛm la anwo edwɛkɛ.
TILE 7
‘Bɛbanwu Kɛ Medame A Mele Gyihova A’
Maanle maanle ne mɔ mɔɔ zɛkyele Gyihova duma na bɛyɛle ye menli ne kpɔdekpɔde anzɛɛ bɛmaanle bɛ nwo guale evinli la ɛnrɛnyia bɛ ti wɔ mɔɔ bavi bɛ nyɛleɛ ne mɔ anu ara la anwo. Duzu a yɛbahola yɛazukoa yɛavi kɛzi Yizilayɛma nee maanle maanle zɔhane mɔ lile la anu a?
