NGILEHILELƐ ƐLƐKA 16B
Bɛlɛdi Nyane Na Bɛlɛkponle, Nzonlɛyɛlɛ, Ɛzɛkyelɛ—Kenlenzu Yɛɛ Kɛzi?
Ɛnyelɛzodeɛnwunlɛ ne mɔɔ wɔ Yizikeɛle tile 9 la ɛra nu bieko ɛnɛ. Kɛzi yɛte ninyɛne mɔɔ basisi abo la bahola aboa yɛ amaa yɛava anwodozo yɛanlea mekɛ ɛhye awieleɛ ne ade
“Bɛlɛdi nyane na bɛlɛkponle”
KENLENZU: Awieleɛ mekɛ ne anu, kolaa na anwongyelelɛ kpole ne ara
KƐZI: Ahonlekpalɛma dua bɛ edwɛkɛ nee bɛ nyɛleɛ zo kile kɛ bɛkyi amumuyɛyɛlɛ mɔɔ ɛlɛkɔ zo la. Bɛtie edwɛkɛ ne, bɛda Kelaese subane ne mɔ bie ali, bɛmaa bɛsɔne bɛ bɛfa bɛyɛ bɛ nwo zo mɔɔ bɛyila bɛmaa Gyihova la anwo sɛkɛlɛneɛ na bɛboa Kelaese amediema ne mɔ kpalɛ
“Nzonlɛyɛlɛ”
KENLENZU: Anwongyelelɛ kpole ne anu
KƐZI: Nrenyia ne mɔɔ lɛ kɛlɛhɛlɛvolɛ ɛnke toba ne la gyi ɛkɛ maa Gyisɛse Kelaese wɔ mekɛ mɔɔ ɔbara kɛ maanle maanle kɔsɔɔti Ndɛnebuavolɛ la. Bɛbabua menli ekpunli kpole ne anu amra ndɛne anzɛɛ bɛbayɛ bɛ nzonlɛ kɛ mboane, ɔkile kɛ bɛbanyia bɛ ti wɔ Amagɛdɔn ne anu
“Ɛzɛkyelɛ”
KENLENZU: Amagɛdɔn ne anu
KƐZI: Gyisɛse Kelaese nee ye anwuma ɛlɔne ne, anwumabɔvolɛma nee ɔ gɔnwo mɔ arelemgbunli 144,000 ne bɛazɛkye ɛtane ewiade ɛhye bɔkɔɔ na bɛalie nɔhalɛ sonvolɛma bɛahɔ tenlene ewiade fofolɛ ne anu