NGILEHILELƐ ƐLƐKA 7B
Edwɛkɛ Titili Mɔɔ Wɔ Yizikeɛle Buluku Ne Anu La
“Sonla Ra”
ƆFINDE MƆƆ BO 90
Bɛvɛlɛle Yizikeɛle “sonla ra” mɔɔ bo fane 90. (Yiz. 2:1) Gyihova hakyele ye kɛ yenyia nwolɛ adenle dɔɔnwo ɛdeɛ, noko ɔle sonla. Wɔ Edwɛkpa ne anu, bɛvɛlɛle Gyisɛse kɛ “sonla Ra” fane kɛyɛ 80, na ɔkile kɛ ɔrayɛle sonla bɔkɔɔ mɔɔ ɛnee ɔnle anwumabɔvolɛ mɔɔ yeva sonla nwonane yekpolo a.—Mat. 8:20.
“. . . Na Bɛanwu Kɛ Medame A Mele Gyihova A”
ƆFINDE MƆƆ BO 50
Yizikeɛle hɛlɛle Nyamenle edwɛkɛ ɛhye, na menli “bɛanwu kɛ medame a mele Gyihova a” fane mɔɔ bo 50, ɛhye kile kɛ Gyihova angomekye a ɔwɔ kɛ yɛsonle ye nɔhalɛ nu a.—Yiz. 6:7.
“Tumivolɛ Awulae Gyihova”
ƆFINDE 217
Edwɛkɛ “Tumivolɛ Awulae Gyihova” finde nuhua fane 217, na ɔkile kɛ Gyihova duma ne anwo hyia kpalɛ yɛɛ ɔsi zolɛ kɛ abɔdeɛ kɔsɔɔti vea ɔ bo.—Yiz. 2:4.