ƐZUKOALƐDEƐ 43
Kɛzi Ɔwɔ Kɛ Kilisienema Bu Nza Ɛ?
Menli lɛ nza nwo adwenle ngakyile wɔ ewiade amuala. Ɔyɛ a bie mɔ nee bɛ gɔnwo mɔ yia nu no nza. Bie mɔ ɛnno bie fee. Bie mɔ noko no too bɛbo. Duzu a Baebolo ne ka ye wɔ nza nwo a?
1. Asoo ɔle ɛtane kɛ awie banlo nza?
Baebolo ne ɛndua nzanlonlɛ. Emomu, saa Baebolo ne ɛlɛka ahyɛlɛdeɛ dɔɔnwo mɔɔ Nyamenle ɛva ɛmaa yɛ la anwo edwɛkɛ a, ɔfa “nwanye mɔɔ maa sonla ahonle di fɛlɛko” la ɔboka nwo. (Edwɛne 104:14, 15) Mrenyia nee mraalɛ nɔhavoma mɔɔ bɛha bɛ nwo edwɛkɛ wɔ Baebolo ne anu la bie mɔ nlonle nza.—1 Timote 5:23.
2. Folɛ boni a Baebolo ne tu menli mɔɔ no nza la a?
Gyihova kyi nza dɔɔnwo ɛnlonlɛ nee nzabolɛ. (Galeehyeama 5:21) Ye Edwɛkɛ ne ka kɛ: “Mmakɔboka bɛdabɛ mɔɔ bɛno nwanye dɔɔnwo . . . la anwo.” (Mrɛlɛbulɛ 23:20) Ɔti saa yɛsi kpɔkɛ kɛ yɛbanlo nza a—wɔ fealeranu bɔbɔ—ɔnle kɛ yɛno ye dɔɔnwo somaa mɔɔ yɛngola yɛndwenle kpalɛ, yɛngomo yɛ ɛdendɛlɛ nee yɛ nyɛleɛ zo anzɛɛ mɔɔ ɔbazɛkye yɛ kpɔkɛdelɛ la. Saa yɛnrɛhola yɛnrɛhomo yɛ nwo zo wɔ nza dodo mɔɔ ɔwɔ kɛ yɛno la anwo a, ɔwɔ kɛ yɛgyakyi ye ɛnlonlɛ bɔkɔɔ.
3. Kɛ ɔkɛyɛ na yɛandendɛ yɛantia kpɔkɛ mɔɔ awie mɔ kɛzi wɔ nza nwo la ɛ?
Ɔwɔ kɛ awie biala si kpɔkɛ kɛ ɔbanlo nza anzɛɛ ɔnrɛnlo bie. Ɔnle kɛ yɛtendɛ yɛtia awie mɔɔ kɛzi kpɔkɛ kɛ ɔbanlo nza ekyi la, yɛɛ ɔnle kɛ yɛpiepia awie mɔɔ ɛngulo kɛ ɔno nza la kɛ ɔnlo bie. (Wulomuma 14:10) Saa yɛno nza na ɔbagyegye awie mɔ a yɛsi kpɔkɛ kɛ yɛnrɛnlo. (Kenga Wulomuma 14:21.) Yɛmkpondɛ ‘yɛ ngome yɛ boɛyɛlɛ, yɛkpondɛ awie mɔ noko ɛdeɛ.’—Kenga 1 Kɔlentema 10:23, 24.
SUKOA DƆƆNWO
Nea Baebolo ngyinlazo mɔɔ bahola aboa wɔ yeamaa wɔazi nza nee dodo mɔɔ ɔwɔ kɛ ɛno la anwo kpɔkɛ la. Eza saa ɛlɛ nza nwo ngyegyelɛ a nea mɔɔ ɛbahola wɔayɛ la.
4. Si kpɔkɛ kɛ ɛbanlo anzɛɛ ɛnrɛnlo bie
Kɛzi Gyisɛse bule nzanlonlɛ ɛ? Amaa wɔanwu mualɛ ne la, suzu nwanwane debie mɔɔ ɔlimoale ɔyɛle la anwo. Kenga Dwɔn 2:1-11, na akee bɛzuzu kpuya ɛhye mɔ anwo:
-
Duzu a nwanwane deɛ ɛhye maa yɛnwu ye wɔ kɛzi Gyisɛse bu nza nee menli mɔɔ no nza la anwo a?
-
Kɛmɔ Gyisɛse andendɛ antia nzanlonlɛ la ati, kɛzi ɔwɔ kɛ Kilisienema bu awie mɔɔ no nza la ɛ?
Noko, saa Kilisienenli bie kola no nza a, ɔngile kɛ nrɛlɛbɛ wɔ nu kɛ dahuu ɔbayɛ zɔ. Kenga Mrɛlɛbulɛ 22:3, na akee bɛzuzu kɛzi ninyɛne ɛhye mɔ bahola ahile kɛ ɛbanlo nza anzɛɛ ɛnrɛnlo bie la anwo:
-
Ɛbaha kale anzɛɛ ɛbava milahyinli bie wɔayɛ gyima.
-
Ɛlɛnrenzɛ.
-
Dɔketa ɛha ɛhile wɔ kɛ ɛmmano nza.
-
Ɛngola ɛngomo ɛ nwo zo wɔ dodo mɔɔ ɔwɔ kɛ ɛno la anwo.
-
Mɛla ɛmmaa wɔ adenle kɛ ɛnlo nza.
-
Ɛ nee awie mɔɔ dɛba ne ɔngola ɔngomo ɔ nwo zo wɔ nza nwo la ati ɔnno bie la wɔ ɛleka bie.
Asoo ɔwɔ kɛ ɛmaa menli nza wɔ atɔfolɛlielɛ anzɛɛ ɛkponledolɛ bie abo ɔ? Amaa wɔanwu kpɔkɛ mɔɔ ɔwɔ kɛ ɛsi la, ye VIDIO ne.
Kenga Wulomuma 13:13 yɛɛ 1 Kɔlentema 10:31, 32. Ɛkenga tɛkese ko biala ɛwie a, bɛzuzu kpuya ɛhye anwo:
-
Kɛzi ɛfa ngyinlazo ɛhye ɛdi gyima a ɔbaboa wɔ yeamaa wɔazi kpɔkɛ mɔɔ bazɔ Gyihova anye ɛ?
Ɔwɔ kɛ Kilisienenli biala si kpɔkɛ kɛ ɔbanlo nza anzɛɛ ɔnrɛnlo. Saa ɔyɛ a ɔno nza bɔbɔ a, ɔdwu mekɛ ne bie a ɔbahola yeazi kpɔkɛ kɛ ɔnrɛnlo bie
5. Si dodo mɔɔ ɛbanlo la anwo kpɔkɛ
Saa ɛsi kpɔkɛ kɛ ɛbanlo nza a, kakye ɛhye: Gyihova ɛndua nzanlonlɛ ɛdeɛ, noko ɔtua nza dɔɔnwo ɛnlonlɛ. Kɛmɔti ɛ? Kenga Hozia 4:11, 18, na akee bɛzuzu kpuya ɛhye anwo:
-
Awie no nza dɔɔnwo a duzu a bahola azi a?
Kɛ ɔkɛyɛ na yɛanno nza dɔɔnwo ɛ? Ɔwɔ kɛ yɛnyia mɛlɛbɛnwoaze subane anzɛɛ yɛnwu yɛ sinlidɔlɛ. Kenga Mrɛlɛbulɛ 11:2, na akee bɛzuzu kpuya ɛhye anwo:
-
Kɛmɔti a ɔle kpalɛ kɛ ɛnwu nza dodo mɔɔ ɛbanlo la ɛ?
6. Gyakyi nzabolɛ
Nea mɔɔ boale nrenyia bie maanle ɔgyakyile nzabolɛ la. Ye VIDIO ne, na akee bɛzuzu kpuya ɛhye mɔ anwo.
-
Wɔ vidio ne anu, kɛzi nza hanle Dmitry ɛbɛlabɔlɛ ɛ?
-
Ɔholale ɔgyakyile nzanlonlɛ ne ɛkɛ ne ala ɔ?
-
Kɛzi akee ɔholale ɔgyakyile nza dɔɔnwo ɛnlonlɛ ɛ?
Kenga 1 Kɔlentema 6:10, 11, na akee bɛzuzu kpuya ɛhye mɔ anwo:
-
Kɛzi nzabolɛ le anyebolo edwɛkɛ ɛ?
-
Duzu a kile kɛ awie mɔɔ bo nza la bahola ahakyi a?
Kenga Mateyu 5:30, na akee bɛzuzu kpuya ɛhye anwo:
-
Ɛ sa mɔɔ ɛpɛ wɔado ye lɔ la kile afɔle mɔɔ ɔwɔ kɛ ɛbɔ amaa wɔazɔ Gyihova anye la. Saa ɛlɛ nzabolɛ nwo ngyegyelɛ a duzu a ɛbahola wɔayɛ a? a
Kenga 1 Kɔlentema 15:33, na akee bɛzuzu kpuya ɛhye anwo:
-
Kɛzi ɛ gɔnwo mɔ nyɛleɛ bahola aha nza dodo mɔɔ ɛno la ɛ?
BIE A AWIE BABIZA KƐ: “Ɔle ɛtane kɛ awie banlo nza ɔ?”
-
Kɛzi ɛbabua ye ɛ?
EDWƐKƐ TITILI
Gyihova ɛmaa yɛ nza kɛ yɛva yɛlie yɛ nye, noko ɔkyi nza dɔɔnwo ɛnlonlɛ nee nzabolɛ.
Ndinu
-
Duzu a Baebolo ne ka ye wɔ nza nwo a?
-
Esiane boni a wɔ nza dɔɔnwo ɛnlonlɛ nu a?
-
Kɛ ɔkɛyɛ na yɛandendɛ yɛantia kpɔkɛ mɔɔ awie mɔ kɛzi wɔ nzanlonlɛ nwo la ɛ?
KPONDƐ DƆƆNWO
Kɛ ɔkɛyɛ na mgbavolɛ nee mbɛlɛra azi nza nwo kpɔkɛ kpalɛ ɛ?
Nea ninyɛne mɔɔ ɛbahola wɔayɛ wɔava wɔali nza nwo ngyegyelɛ nwo gyima la.
“Nyia Nza Nwo Adwenle Kpalɛ” (Ɛzinzalɛ Arane, January 1, 2010)
Asoo ɔwɔ kɛ Kilisienenli ɛlɛno nza a ɔmaa ye tɔmɛlɛ zo ɔfa ɔbɔ awie ɛdeɛ nwo?
“Kpuya Mɔɔ Vi Kengavolɛma Ɛkɛ” (Ɛzinzalɛ Arane, February 15, 2007)
Wɔ edwɛkɛ ne mɔɔ se “Ɛnee Mebo Kɛ Tandi” la anu, nea kɛzi nrenyia bie gyakyile nza dɔɔnwo ɛnlonlɛ la.
a Bie a menli mɔɔ nza ɛnlonlɛ ɛha bɛ nwo la bahyia moalɛ amaa bɛahola bɛagyakyi. Dɔketama dɔɔnwo ka kɛ ɔnle kɛ menli mɔɔ lɛ nza nwo ngyegyelɛ la no bie fee.
Bie A Eza Ɛ Nye Balie
KPUYA MƆƆ MENLI TA BIZA
Baebolo Ɛzukoalɛ Nwo Ngyehyɛleɛ Boni A Gyihova Alasevolɛ Yɛ A?
Wɔ Baebolo ɛzukoalɛ nwo ngyehyɛleɛ mɔɔ Gyihova Alasevolɛ ɛyɛ mɔɔ ɛndua ɛhwee la anu, ɛbahola wɔava Baebolo ngilebɛbo mɔɔ ɛ nye die nwo wɔali gyima. Saa ɛkulo kɛ ɛto ɛ sa ɛfɛlɛ wɔ abusua ne yɛɛ ɛ gɔnwo mɔ a, ɛbahola wɔayɛ zɔ.
