1. Sɔ̄ sɔ̄ naa binia pya Partizansk City Court li Primorye Territory e biaɛfii nu elu edoo bu ue akiiloo Wuga Nɛɛwa Irina Buglak. Nɛɛ a gaa bee ye loh kara loo sii kɔ nu a gbī kɔ ba a doo ye loo

2. August 6, 2021

   Ue gbee lok a bee le loo Irina bee lu e obara ture Partizansk City Court kɔ ba a ɛp bu

3. 30 Lop Le Ziī Enɔɔ̄, 2020

   Nyɔɔbee a naa bee lu e’aa ye lɔgɔ nu bah a, ue Irina bee lu e obara ma nɛɛ a gaa bee ye loh kara loo

4. 31 Tua Enɔɔ̄, 2020

   Bee lu elɛɛ ye kɛ̄bah aa a bee le bie ye tɔ sɔ̄ 107 biradee etɛ̄na

5. 16 Lop Enɔɔ̄, 2019

   Sɔ̄ etɔna kpɔgɔrɔ loo 179 biradee, bee lu esu Irina lɛɛ lo kɛ̄ sa alu esere ye kɛ̄bah aa bie ye tɔ

6. 20 Nia Enɔɔ̄, 2019

   3:00 eleke bee lɔɔrɛ, pya aa ba wee kure FSB bee lap tɔ Irina sa gbī nu. Pya bɛbɛɛ bee ye gba ue kɔ a wee nɔɔ sa sere pya i enɔānu. A bee lu esu ye kuma kpɔgɔrɔ a wee lu esere nɛɛ lɛɛ a gae lu esu ye kuma tɔ biaɛ, bie lo kɛ̄ a bee lu edana dee loo ye biaɛ taa sɔ̄

7. 19 Nia Enɔɔ̄, 2019

   Ɛrɛtaa pya aa ba wee kure FSB bee lap tɔ Wuga Nɛɛwa Nelly Tarasyuk elua 80 zua. Irina le ye nwiī nɛɛwa Natalya, bee le yɛɛ gbɛnɛ-edo pya wuga nɛɛwa a bee le lo tɔ. Sɔ̄ ba bee le aa lap lo tɔ, loo Nelly bee dumɛ sa a lu esu ye kuma tɔpie. Dɔɔ̄na pya lo wuga nɛɛwa bee lu e’aa wa sa wa bip ue bu yubeloo lo edɛɛ̄. Bee lu eyere Irina kɔgɔrɔ

I bara kɔ Jɛhova a kiisī lo eyere mɛmloo Irina gbaānageloo dɛ̄dɛɛ̄ pya i wuga nɛɛdam le nɛɛwa ba le Russia kɔ ba a kiisī lo e egerebu sa tɔɔ̄ baɛ bu ɛɛbu.—Pya Kɔlɔsi 1:11.