1. Bari sere i bu gbaaloo,

Tɛ̄maloo ye Nwiī Jizɔs Kraist.

E nyɔɔwo i tɔɔ̄ bu gbaaloo,

Sa zue le yereue.

Tam zue ue gbī gbaaloo;

Sa tɔɔ̄ bu ɛɛbu.

Kere sɔ̄ be nɔ̄ le nyɔuwe.

Sa ba naa gbī lɔgɔ gbaaloo.

Mɛ i gbaa bu aba beenyiɛ,

Le aba ekɛɛrɛ.

2. I tɔɔ̄ bu gbaaloo bu nyɔuwe,

A kpe i loo sɔ̄ i doo wo,

Gbɛnɛ iīnaloo i ɛrɛ,

Sa tɔgɛ wereloo.

Kaɛ edɔɔ̄ Jɛhova,

Doo kɔ mɛ i gbaa.

Naa ɛp efɛɛloo i ɛrɛ,

Naa ɛp wereloo i ɛrɛ.

I gaa le kiisī bu gbaaloo,

Mmɛ dee a naa tah.