1. I kumalookɛ̄ bara Bari:

“Nɛ i ekpo sa le o suānu.”

Mɛ lo a kuī ee dɛ̄dɛɛ̄ elap

Ɛɛ na wereloo lo i ɛrɛ.

Kere a doo i ɛrɛ yira,

Sa dɔɔ̄ nu nɛ pya a naa ɛrɛ.

E sa wereloo naa i le loo,

Lɔgɔ nu i lu lo sɔ̄ naale.

2. Wereloo wuga lo i ɛrɛ

A su elap wiibu i lɛɛ nyiɛ.

Sa ii le’ kpooge loo wa pɔrɔ,

Mɛ taāwo i kɛɛrɛ wa bu loo.

E i dap muɛ̄ wa elap a lee,

Lo sɔ̄ i gbaa wa loo bu taāŋa.

Wereloo be eeba tɛ̄ŋaloo;

Elap ama kuī kɔ i ɛrɛ.