YƆƆ 110
‘Jɛhova Lu I Nu Ɛɛbu’
-
1. Bari esaa esu ye Buɛ̄-mɛnɛ nua.
A nɛ i ɛɛbu sɔ̄ i dā.
I dana dɛɛ̄, i sa ɛma li bunyɔɔ,
I muɛ̄ agia ewara loo!
(KƐRƐ)
Pya nu Jɛhova kɔ nɛ i ɛɛbu.
Ye ue nɛ i e’agaloo.
Uɛ yɔɔ dana muɛ̄ nɛ nyɔɔ sa ye leera,
Nyɔɔ ziī bɛābu lo a i le sī.
Pya nu Jɛhova kɔ nɛ i ɛɛbu.
I gbī kɔ dɛ̄dɛɛ̄ nɛɛ a suā.
Jɛhova ekpɔā i, i taāŋa ye bah,
I tɔgɛ i ɛɛbu bu ye tam.
-
2. Tɔɔ̄ agaloo, o aa ɛrɛ bɔɔ loo nɛɛ.
Nyɔɔbee Jɛhova ekpɔā i.
Tɔgɛ Jɛhova kɔ o weree ye loo;
Tɛ̄maloo yɔɔ a a aa nyiɛ!
(KƐRƐ)
Pya nu Jɛhova kɔ nɛ i ɛɛbu.
Ye ue nɛ i e’agaloo.
Uɛ yɔɔ dana muɛ̄ nɛ nyɔɔ sa ye leera,
Nyɔɔ ziī bɛābu lo a i le sī.
Pya nu Jɛhova kɔ nɛ i ɛɛbu.
I gbī kɔ dɛ̄dɛɛ̄ nɛɛ a suā.
Jɛhova ekpɔā i, i taāŋa ye bah,
I tɔgɛ i ɛɛbu bu ye tam.
(Buū nage 1 Edoo 16:27; Yɔɔ 112:4; Luk 21:28; Jɔn 8:32.)
