YƆƆ 134
Gbo Miɔŋɔ lu Nu Bari yerebah Tɛ le Ka
-
1. Dɔɔ̄nu Bari nɛ na: “miɔŋɔ”
Sɔ̄ tɛ le ka ɛrɛ alaba nwiī,
Ba kuū wa dɛɛ̄ loo, wa ɛp leere,
Sa wa aara bu dee a lee.
Nyɔɔbee Jɛhova na a wa nɛ
Dɔɔ̄nu ama, ba ɛp nua nu a kuī.
Nyɔɔwo pya tɛ le ka e nyɔɔnɛ
Pya zuurabahtɔ̄ Jɛhova nɛ.
(KƐRƐ)
Nu a sidu na Bari a nɛ;
Nu a dɔbiī le a kɛ̄bah.
Piiga lo e ɛrɛ wa nia bu;
Sa wa tɔgɛ nu Bari gbī.
-
2. Tɛ le ka ɛrɛ enɔnu
Sa nyim bu e doo pya nu Bari gbī,
Sa su nage tɔgɛ wa miɔŋɔ;
Tɔgɛ wa aā sɔ̄ ba le nwiī.
Dɛ̄dɛɛ̄ lɔɔrɛ sɔ̄ ba aa makɛ̄,
Doolo ba nyim agaloo dɛ̄dɛɛ̄ dee.
Sa “kiisī bu pya lo nu ama,”
Jɛhova naale’ lɛɛ wa baloo.
(KƐRƐ)
Nu a sidu na Bari a nɛ;
Nu a dɔbiī le a kɛ̄bah.
Piiga lo e ɛrɛ wa nia bu;
Sa wa tɔgɛ nu Bari gbī.
(Buū nage Deut 6:6, 7; Ɛfɛs 6:4; 1 Tim 4:16.)
