YƆƆ 158
“Naale Ebiɛ̄ Dee!”
1. Kere nyɔuwe nyaa,
Bari naale nyaa,
Pya tam lo o si
lu nyɛŋia sa kpedɛɛ̄.
Kere nyɔuwe gbe,
Bari gaa le kwa;
Esikɛ̄ le le
Bu ye le Buɛ̄-mɛnɛ.
(KƐRƐ)
Yerebah, a Bari.
Lokwa i dap sa tɔɔ̄
Egerebu sa a bee.
O Buɛ̄-mɛnɛ elu,
i suā kɔ naale lɔ.
I gaa bara kɔ a lu
Taɛ sɔ̄ o bee nɔɔ.
2. I ɛrɛ yira
kɔ i wa, i dam,
I nwiī, le dɛ̄dɛɛ̄
pya nɛɛ ba ebee u
Bari gaa le kue
wa lɛɛ kɛ̄ bu luh.
Kpeloo sɔ̄ i dā
nu Bari gaa le doo.
(KƐRƐ)
Yerebah, a Bari.
Lokwa i dap sa tɔɔ̄
Egerebu sa a bee.
O Buɛ̄-mɛnɛ elu,
i suā kɔ naale lɔ.
I gaa bara kɔ a lu
Taɛ sɔ̄ o bee nɔɔ.
3. I kpɛ̄na i loo
eyɔ a sitam,
Sa kue pya nɛɛ nua
loo dum a naa le tah
Bɛābu aa a bah,
dum le a kɛ̄bah
O gbī enɛ i
lo i egerebu.
(KƐRƐ)
Yerebah, a Bari.
Lokwa i dap sa tɔɔ̄
Egerebu sa a bee.
O Buɛ̄-mɛnɛ elu,
i suā kɔ naale lɔ.
I gaa bara kɔ a lu
Taɛ sɔ̄ o bee nɔɔ.
Nyɔɔwo, i egerebu!
(Buū nage Kɔl 1:11.)
