1. Lo a le i baɛloo nyiɛ i,

I aaloo doo pɔrɔ.

Kɛ̄ Bari ɛp na i beenyiɛ

Taɛ dua nɛɛ lo i lu.

Ɛrɛ sɔ̄ i beenyiɛ i dag,

Kɔ i doo pɔrɔ nu.

Nyɔɔwo dooraa i su i nyiɛ

Gbaɛ̄ ma tɔ̄ ue Bari.

2. Tɛ̄maloo e yere kara

I kɔ ue nɛ Bari.

Dɛ̄dɛɛ̄ dee i doo ye ɔɔyaa,

Kɔ a kuū i dɛɛ̄ loo.

Pya nu Jɛhova i tɔgɛ,

A nia i e gbaɛ̄tɔ̄.

I nɛ ye ka aā bu’i beenyiɛ,

Dɛ̄dɛɛ̄ dee bu i dum.

3. Lo i lɛɛbaloo Ue Bari,

Kɔ a nyaana i dum.

I gaa le ɛrɛ ye leelee,

Le dum a naa wee tah.

Sɔ̄ i kɛɛrɛbu Ue Bari

Lo’a ma nɛ i bɛābu;

I si tam ye nɛ aābu nyiɛ

Mmɛ dee a naa tah.