YƆƆ 4
“Jɛhova Na Nɛɛ A Mɛ Tɔɔ̄loo A”
-
1. Jɛhova lu nɛɛ a mɛ ɛp;
Lɔgɔ nu naa naɛnɛ mɛ.
A kuū nage dɛɛ̄ loo na piogi;
Sa mɛ nɛ pya nu m gbī.
Jɛhova lu nɛɛ a mɛ ɛp,
A nɛ nage mɛ leelee.
E m dɛrɛ nyiɛ nyɔɔ Jɛhova kɔ,
A suā ziī ziī nu m gbī.
M dɛrɛ nyiɛ nyɔɔ Jɛhova kɔ,
A suā ziī ziī nu m gbī.
-
2. Jɛhova kiisī lo’e dā mɛ,
Sa mɛ tɔgɛ nu a lee.
Ye tɔgɛnu nɛ mɛ iīnaloo;
Sɔ̄ m gbaɛ̄tɔ̄ a kpɔā mɛ.
Kpeloo etɔɔ̄ nyɔɔ ye nwī dee,
A le nɛ pya kaāna nɛɛ.
E bu sɔ̄ lɔgɔ nu naa waɛ mɛ loo,
Jɛhova wee mɛ tɔɔ̄loo.
Bu sɔ̄ lɔgɔ nu naa waɛ mɛ loo,
Jɛhova wee mɛ tɔɔ̄loo.
-
3. Jɛhova lu nɛɛ a mɛ ɛp;b
Sɔ̄ loo mɛ dumɛ a muɛ̄.
A doo kɔ m ɛrɛ nwanaloo;
A wee tɔɔ̄loo pya ye nɛɛ.
Sɔ̄’m kue Jɛhova a dā mɛ,
Alɛ na na kaāna gbo.
M gaa le si tam bu tɔ kaɛ Bari
Sa mmɛ dee a naa tah.
M gaa le si tam tɔ kaɛ Bari
Sa mmɛ dee a naa tah.
