1. I kiī loo i nɛ Jɛhova,

Sa kɔ i doo dɛ̄dɛɛ̄ nu a kɔ.

Ɛrɛge kɛ̄tɔɔ̄ i le bu,

I gaa le doo yii i bee yira!

Jɛhova wereloo pya nɛɛ;

Wo na’a nua a nɛ ye Nwiī.

I su i dum siātam ye nɛ;

Dɛ̄dɛɛ̄ nu a kɔ na’i doo a.

2. I gaa le nyɔɔnɛ Jɛhova,

Kere a doo nu aga i loo

A muɛ̄ dɛ̄dɛɛ̄ nu i gaa doo,

A wee ye nia sɔ̄ i ye gbaɛ̄tɔ̄.

Jɛhova gaa le lu i gbo;

Lo ili tɔɔ̄ ye waɛloo,

Gaa le doo kɔ ili’i tɔɔ̄ nɛ

Ye bee mmɛ dee a naa tah.

3. Ɔɔyaage loo nu o i nɛ

O Kpa Kaɛ le o bɔŋanaloo,

O nɛ nage i kaɛ edɔɔ̄,

Dɛ̄dɛɛ̄ nu’a ma doo kɔ i doo le.

Nyɔɔwo, aā ziī dee mmɛ ziī,

Ii le’e aaloo Jɛhova

Doolo i kumaloo i kɛ̄

Sa a nyɔɔnɛ kiā mmɛ kɛ̄.