YƆƆ 54
‘Lo Dee Na Ama’
-
1. Dee efɛɛloo na’a ma,
Agɛrɛloo kiā nyɔɔ.
Bari nɛ i ye lok,
Dooraa i gbaɛ̄ ye tɔ̄.
Mɛ nyɔuwe nii’ee lɔgɔ
Efɛɛloo naale.
Jɛhova kɔ i nɛ,
Kɔ i tɔɔ̄ bu’e fɛɛloo.
(KƐRƐ)
I kpɛ̄naloo edoo pya nu o kɔ.
Lo ekiā nyɔɔ dee ama mmɛ kɛ̄;
I gaa le su i dɔ sa kiisī.
Nyiɛ i gaa ɛɛ nyɔɔbee lo dee na’a ma.
-
2. Dee i le nyɔɔ ama,
Wereloo mma bu.
Lo o ɛp sɔ̄ pya nɛɛ
Muɛ̄ ba kɔ nu’a kiiloo.
Ba muɛ̄ kɔ dɛ̄dɛɛ̄ ii;
Le sa bee pya wuga.
A kpe wa loo, ba nyɔɔnɛ
i sa i gbaaloo.
(KƐRƐ)
I kpɛ̄naloo edoo pya nu o kɔ.
Lo ekiā nyɔɔ dee ama mmɛ kɛ̄;
I gaa le su i dɔ sa kiisī.
Nyiɛ i gaa ɛɛ nyɔɔbee lo dee na’a ma.
-
3. Dee i le nyɔɔ ama,
Dum a naa tah le bu.
A naa ɛrɛ ziī dee
I dap ye su doloo.
Fɛɛrɛ loo ye kiā nyɔɔ,
Lokwa o ɛrɛ dum.
O aa kɛɛrɛ kɔ mɛ,
Ziī kaāna kɛ̄ lege.
(KƐRƐ)
I kpɛ̄naloo edoo pya nu o kɔ.
Lo ekiā nyɔɔ dee ama mmɛ kɛ̄;
I gaa le su i dɔ sa kiisī.
Nyiɛ i gaa ɛɛ nyɔɔbee lo dee na’a ma.
