1. Kiā kiisī, kiā kiisī, nyim sa agaloo!

Zue kaka ue Bari doo kɔ dɛ̄dɛɛ̄ nɛɛ a dā.

Piiga lo enyim bu o sīdee zue ue;

Mɛ Jɛhova le a loo.

Dɛ̄dɛɛ̄ nɛɛ dap si lo gbɛnɛ tam.

Jizɔs bee i kɔ nɛ kɔ i si.

E a bie edoba kɛ̄ nɛ dɛ̄dɛɛ̄ nɛɛ,

Kɔ i wee kii sī wee zue.

2. Kiā kiisī, kiā kiisī, o aa ɛrɛ bɔɔ!

Doolo dɛ̄dɛɛ̄ nɛɛ dā le yereue Buɛ̄-mɛnɛ.

Sa leera i Mɛnɛ Jɛhova Bari,

Tɛ̄maloo ezue lo ue.

Pya nɛɛ gbī eyere i bɔɔ bu,

Mɛ o aa ɛrɛ bɔɔ lɔgɔ sɔ̄.

Nyɔnɛbee Jɛhova Bari le a loo.

Sa e yerebah a nɛ.

 3. Sɔ̄ o zue ue nɛ nɛɛ obia ye si loo,

Sa o baatɛ̄ nu ye nɛ,

aā bu Muɛ̄ Ue Bari.

Yere kara bara edɔɔ̄ Jɛhova.

Lo edɔɔ̄ e baɛ a loo.

Wereloo pya nɛɛ lo o si loo.

Obia sī wa si loo dɛ̄dɛɛ̄ sɔ̄.

Yerebah kɔ ba a nyim sa agaloo,

Bu edoo nu Bari gbī.