YƆƆ 69
Kiisī Lo E Zue Ue Buɛ̄-mɛnɛ!
-
1. Kiisī lo ezue ue Buɛ̄-mɛnɛ
Doo kɔ dɛ̄dɛɛ̄ nɛɛ a dā.
Dookɛ̄ Jizɔs bee i tɔgɛ doo,
Zue aa ziī nu tɔ yii ziī.
A lu nu ka lo e wee zue ue;
A nia i ezue ue Bari.
Kiisī lo ezue ue Buɛ̄-mɛnɛ;
Zue bee Bari a kuī eenyɔɔ.
(KƐRƐ)
Kiisī, lo ezue le yereue
Buɛ̄-mɛnɛ dɛ̄dɛɛ̄ kɛ̄.
Kiisī, lo eyira agɛrɛ
nɛ Jɛhova Bari.
-
2. Dɛ̄dɛɛ̄ ii gaa gbaa sa si lo tam,
Sɔ̄ zue mɔ ale boo dɔɔ.
Pya nɛɛ zege gbaāloo pya nama
I gbaa zue lo kaka ue.
Ue akiiloo bɛbɛɛ Jɛhova
Lee kɔ dɛ̄dɛɛ̄ pya nɛɛ a dā.
Bɔɔ naale’ aa i loo lɔgɔ nɛɛ;
Nyɔɔbee Jɛhova le i loo!
(KƐRƐ)
Kiisī, lo ezue le yereue
Buɛ̄-mɛnɛ dɛ̄dɛɛ̄ kɛ̄.
Kiisī, lo eyira agɛrɛ
nɛ Jɛhova Bari.
(Buū nage Yɔɔ 23:4; Doonu 4:29, 31; 1 Pit 2:21.)
