YƆƆ 75
“M Le Akɛāma! Lɛɛra Mɛ!”
-
1. Pya nɛɛ ɛrɛ kɛɛ lo ezue
Yereue Buɛ̄-mɛnɛ Bari.
Ba kɔ Bari naa ɛrɛ’e kpo.
Pya ezu kɔ “Bari naa le.”
Mɛɛ̄ na edoo kɔ ba a suā?
Mɛɛ̄ na ekɔ kaka wa nɛ?
(KƐRƐ 1)
Dooraa i kɔ, sa zue, tɔgɛ,
I kɔ taɛ nɛɛ Jɛhova lu.
A lu ebɛɛ̄ kɔ pya nɛɛ a dā.
Bari soosoo lɛɛra mɛ!
-
2. Pio kɔ Bari naa kpɛ ye yii;
Ba naa suā nu a ye le nyiɛ.
Ba bɔātɛ̄ esitam nɛ yɔ;
Sa ibere kaka Bari.
Mɛɛ̄ na ekɔ nɛ pya pɔrɔ?
Kɔ Amagidɔn ewara?
(KƐRƐ 2)
Yere mɛ siā, m si wee kɔ.
Bɔɔ naale’ aa mɛ lo ekɔ.
A lu ebɛɛ̄ kɔ pya nɛɛ a dā.
Bari soosoo lɛɛra mɛ!
-
3. Pya le beenyiɛ ba le nyɔuwe
Ɛrɛ ekiɛ̄nu loo pɔrɔ
A gaa sira nyɔuwe ama;
Sa ba gbī edā ue Bari.
Mɛɛ̄ na edoo kɔ ba a dā?
Sa wa tɔgɛ nu Baibol kɔ?
(KƐRƐ 3)
M gbī esi wee kɔ wa nɛ,
Taɛ mɛ ekɔ o ue wa nɛ.
A lu ebɛɛ̄ kɔ pya nɛɛ a dā.
Bari soosoo lɛɛra mɛ!
