YƆƆ 76
Ziī Tam A Kpe Loo Nɛɛ
-
1. Ziī tam a kpeloo nɛɛ
ɛɛ na tam Jɛhova nɛ.
A kpe loo sɔ̄ pya nɛɛ dā
kiiya sa pii Bari.
I kiisī sa wa gbī,
e Jɛhova zuura wa.
Nyɔnɛbee Jɛhova suā
loo pya ba lu ye nɛɛ.
(KƐRƐ)
I gaa le zue, dɛ̄dɛɛ̄ enɔɔ̄
A nɛ i ɛɛbu sɔ̄ i zue.
I gaa le su i egā kɔā
ka O bee a le kaɛ.
-
2. Ziī tam a kpe loo nɛɛ
ɛɛ na tam Jɛhova nɛ
A kpeloo sɔ̄ nu i zue
zii yii loo pya ba dā
Ba bɔātɛ̄ sa top bee,
e ba sikɛ̄ su tɛɛ̄ nyɔɔ.
Ba bip sɔ̄ i sikɛ̄ lu
i sere sɔ̄ wa nɛ.
(KƐRƐ)
I gaa le zue, dɛ̄dɛɛ̄ enɔɔ̄
A nɛ i ɛɛbu sɔ̄ i zue.
I gaa le su i egā kɔā
ka O bee a le kaɛ.
-
3. Ziī tam a kpe loo nɛɛ,
ɛɛ na tam Jɛhova nɛ,
A kpe i loo sɔ̄ i suā
kɔ i gaa si ye tam
Siga pya nɛɛ kpo i,
ba naa gbī edā i muɛ̄,
Lo ba doo wo i aakɛ̄;
sa fɛɛrɛloo sa kii.
(KƐRƐ)
I gaa le zue, dɛ̄dɛɛ̄ enɔɔ̄
A nɛ i ɛɛbu sɔ̄ i zue.
I gaa le su i egā kɔā
ka O bee a le kaɛ.
(Buū nage Doonu 13:48; 1 Tɛs 2:4; 1 Tim 1:11.)
