1. Jizɔs bee tɔgɛ Ue Bari,

Aābu ye wereloo.

I nɔ Jizɔs sa tɔgɛ nu

Pya nɛɛ bu wereloo.

I buū Kpa Kaɛ sa bagitɛ̄

E sɔ̄ ba dābeeloo,

Ba gaa le taāŋabah Jɛhova;

Aābu dɛ̄dɛɛ̄ wa nyiɛ.

2. Sɔ̄ i tɔgɛ Muɛ̄ Ue Bari,

Pya nɛɛ ɛp i elap,

A bɔloo kɔ nu i tɔgɛ

Na ili doo nage.

Kɔ kaka ue, tɔɔ̄ dum a ɛɛ,

Su leera nɛ Bari.

Lo sɔ̄ i ue i zue nɛ ɛɛbu

Nyɔɔbee i doo nu’i zue.

3. Jɛhova nɛ i pya nu tam

Lo esu tɔŋɛ nu.

Lokwa i kiira ekɛɛrɛ,

Pya nɛɛ ba i gbaɛ̄tɔ̄.

Kaɛ edɔɔ̄ na i bara a;

A Jɛhova, Bari.

E sɔ̄ a gaa lu pya i tɔgɛ

E tɔgɛ pya dɔɔ̄na!