1. Tɔɔ̄ yɛɛ pya i wuga yerebah i nɛ;

Sa wu i yira agɛrɛ.

Doo kɔ i nwaɛdɛɛ̄ sa bia bu i bɛābu;

Ii gbī e bee pya nɛɛ nyɔuwe.

‘Nyɔuwe gaa tɛɛ̄ aa le pya nu a le bu.’

Bari eyerebah i nɛ.

Sa doo kɔ i nyɛŋiabu pya nu i nɔ,

Lokwa i tɔgɛ pya dɔɔ̄na.

O aa obia enɔānu kii dɔɔ̄na kɛ̄;

Nyɛŋiabu nu yii Bari kɔ:

“Mm le’ lɛɛ a baloo e mm le’ bie a”

Nyɔɔwo, wee doo nu Bari gbī.

2. Pya gbo dee i tɔɔ̄dum ama egbe a.

Mɛɛ̄ na eyerebah i nɛ?

Lee kɔ i nwaɛ̄dɛɛ̄ bu dɛ̄dɛɛ̄ nu i doo,

Sa doo nu Muɛ̄ Ue Bari kɔ.

Jɛhova suā dɛ̄dɛɛ̄ nu i gbī bu dum,

Sa a kpɛ̄naloo e nɛ i.

Tɔɔ̄ yɛɛ pya wuga ba wereloo Bari,

Sa su wa ue zuurabahtɔ̄.

Tɔɔ̄ yeere sa ɛmadɛɛ̄ sɔ̄ o sikɛ̄,

Muɛ̄ pya o nɛɛ ba e bee u.

gaa le ɛrɛ suānu Bari i nɛ

Lo i si nɔnu dɛ̄dɛɛ̄ sɔ̄.