YƆƆ 92
Tɔ O Bee Kuea Loo
(1 Nu a bee lu Edoo 29:16)
-
1. Ɛp kɛ̄ a lu nu a bɔloo doo!
Sa lu nu a nɛ ka o bee.
Lo’e lu pya nɛɛ olo sagɛ kɔ
Ba a nyɔɔnɛ a siniatam.
Dɛ̄dɛɛ̄ nu i a su siātam nɛ,
Olo na o wa ɛrɛ a.
I gbī esu dɛ̄dɛɛ̄ nu ama,
Siātam lo enɛ ka o bee.
(KƐRƐ)
O Kasi Mɛnɛ le bunyɔɔ
Mɛ, soosoo i bara kɔ:
“O su tɔ i a nɛ ama,”
Soosoo su ye nua olo.
-
2. Uɛraa yɔɔ nɛ Jɛhova Bari,
A bɔloo eleera ye bee.
Nyɔɔ dɛ̄dɛɛ̄ le nu a edoora
Lo tɔ ama le nage yɛɛ.
Yerebah kɔ tɔ i top ama,
Alu nu enɛ ka o bee.
Sa lu nu ekeebee nɛ pya nɛɛ,
Sa ba nyɔɔnɛ i a leera.
(KƐRƐ)
O Kasi Mɛnɛ le bunyɔɔ
Mɛ, soosoo i bara kɔ:
“O su tɔ i a nɛ ama,”
Soosoo su ye nua olo.
(Buū nage 1 Mɛnɛ 8:18, 27; 1 Edoo 29:11-14; Doonu 20:24.)
