YƆƆ 95
Ɛɛdee Gaa Mɔ Ɛɛrɛ Kɛ̄
(Kam 4:18)
-
1. Ii bee ɛrɛna bɛābu lo etɔɔ̄dum,
Nyɔɔbee dɛ̄dɛɛ̄ ii mɛā bu pɔrɔ.
Mɛ sɔ̄ i nɔ nu akiiloo Jizɔs Kraist,
Ɛɛbu mma egia i bu nyiɛ.
Nyɔnɛbee e ina gaa bɛɛ li bunyɔɔ,
Sa ekpɔā dɛ̄dɛɛ̄ pya ye nɛɛ.
Alu nu a kuī Jɛhova i tɔgɛ;
Pya ɛnjɛl ɛɛnage ɛɛbu loo!
(KƐRƐ)
Ɛɛdee Jɛhova i nɛ gaa mɔ;
Ii le na bu zii a nyaawo.
Pya nu Jɛhova gaa i kɔ nɛ;
Lu ɛɛdee a mɔ nyɔɔ i dee.
-
2. Jizɔs e tubobaloo pya ye zooro,
Kɔ ba a kuū dɛɛ̄loo pya ye nɛɛ.
Sa muuna kaka ue Buɛ̄-mɛnɛ wa nɛ,
A nia dɛ̄dɛɛ̄ pya a gbaɛ̄tɔ̄loo.
Jɛhova etɔgɛ i nu a bɔloo,
Ii le na bu zii a nyaawo.
I doo yaa Jɛhova nyɔɔ ye tɔgɛnu,
I gaa le tɔɔ̄ ye nɛ dɛ̄dɛɛ̄ dee.
(KƐRƐ)
Ɛɛdee Jɛhova i nɛ gaa mɔ;
Ii le na bu zii a nyaawo.
Pya nu Jɛhova gaa i kɔ nɛ;
Lu ɛɛdee a mɔ nyɔɔ i dee.
(Buū nage Rom 8:22; 1 Kɔr 2:10; 1 Pit 1:12.)
