Tua dɔ kɛ̄, lo a le kɛ̄ o dasī yii nyɔɔ i dɔ intanɛt aara keekee ekobee ue le vidio lo alu ekwa bu sīdee enia pya nɛɛ le beenyiɛ. (Doonu 13:48) I tua dɔ kɛ̄ ama wee aara pya aā ekobee ue a le bu niuz, ale nu pya nɛɛ aa kɛɛrɛ ale kɔ nu akiiloo.

Bu mɛ sīdee na o dap su tua dɔ kɛ̄ nyɔɔ jw.org daānu bu o esiatam zue ue a?

• Wee ɛp pya nu alu eyere nyɔɔ lo dɔ intanɛt aā ziī sɔ̄ yii ziī. Yere nukuādɛɛ̄loo pya aā aā ekobee ue alu eyere lo kɛ̄, sa o kɛɛrɛ kɛ̄ o dap su yeābah nɛ nɛɛ a tɔgɛ taɛ doo. (Lokwa o dap muɛ pya dɔɔ̄na aā aā nu alu eyere i tua dɔ kɛ̄ ama, biibah nyɔɔ kɛ̄ a kura “See More.”) Lo o bialoo wee ɛp pya nu alu eyere nyɔɔ i dɔ intanɛt ama aā ziī sɔ̄ yii ziī, lo ama eyerebah a nɛ kɔ o muɛ aā aā nu o dap su daānu bu o esiatam zue ue.

• Su pya ekobee ue le vidio alu eyere i tua dɔ kɛ̄ ama bɔātɛ̄ kɔnia sɔh. Pya ue alu eyere i tua dɔ kɛ̄ ama dap doo kɔ i suā nu pya a le i kɛ̄ zue ue dap le aa kɛɛrɛ nu akiiloo.

• Doo kɔ pya nɛɛ a suā i tua dɔ kɛ̄ ama. Tɔgɛ keekee ue a le i tua dɔ kɛ̄ pya a ɛrɛ taɛ, le kɛ̄ ba edap gbī nu nyɔɔ i dɔ intanɛt doo.

• Yere ye link wa ma. A naa wee nia pio nɛɛ lo enyɔɔnɛ i kɔnia ue sī le sī, kerewo, a nia wa esi nyɔɔ i dɔ intanɛt. Nyɔɔwo, o aa pee sɔ̄ eyere link tua dɔ kɛ̄ ma pya a tɔgɛ taɛ ale link ziī ekobee ue ale vidio a le lo kɛ̄.