Gbɛnɛ-edo nɛɛ naa dapna dɛrɛ nyiɛ nyɔɔ pya a le dɔ ekpo. Ena anua ii le edap wa bege a? Nyɔɔbee aā dee kere a, miɔŋɔ nɛɛ esua wa dɔ ekpo daānu bu pɔrɔ sīdee lo e’ɛrɛ biī nɛ wa loo. (Maika 7:3) Naa ɛp kɛ̄ bu i ɛɛ doo a, kɔ elua ekpɔā pya kanɛɛ a le bu bɔŋanaloo kɔ ba a su wa dɔ ekpo daānu elee loo pya nɛɛ Jɛhova.—Esta 10:3; Mat 20:25, 26.

Pya kanɛɛ lu kee loo pya a le dɔ ekpo bu nyɔuwe ama. Wereloo ba ɛrɛ loo Jɛhova le pya ye nɛɛ doo kɔ ba a si wa tam doodoo pya kuūdɛɛ̄loo. (Jɔn 21:16; 1 Pit 5:1-3) Kɛɛ̄ leredee a aabah Jizɔs, pya tɔɔ̄loo naana pee ama yerebah nɛ ziī ziī pya zue ue kɔ loo wa a sukɛ̄ sa suā kɔ ba nuūnae butɔ Jɛhova, e ba doonage kɔ ba a tɔɔ̄ bialoo Jɛhova. Ba naa wee pee sɔ̄ lo eyere mɛmloo pya naana pee Jɛhova sa wa yerebah nɛ sɔ̄ loo wa bugia dumɛ, le sɔ̄ bugia siranu sira. Lo a ɛrɛ ziī nu alu o taāŋa, o lu puɛ lo ekɔ nɛ ziī nɛɛ kanɛɛ a le bui bɔŋanaloo.—Jem 5:14.

SI EE VIDIO A KURA PYA KANƐƐ A KUŪDƐƐ̄LOO NAĀNA PEE, LƐƐ BUI AGARA PYA EBIP A NYƆƆNƐ AMA:

• Bu mɛ sīdee na Mariana bee ɛrɛ biī aāloo yerebah pya kanɛɛ bee ye yere nɛ a?

  O ture

• Bu mɛ sīdee na Elias bee ɛrɛ biī aāloo yerebah pya kanɛɛ bee ye yere nɛ a?

  O ture

• Aāloo nu o muɛ bu vidio o ɛp ama, o ɛp tam pya kanɛɛ doodoo wa anyaawo?

  O ture