• Yɔɔ 92:5—Mɛ sīdee na pya ue a le bu dɔ kpa kaɛ ama baatɛ̄ suānu Jɛhova a? (cl 176 ¶18)

  O ture

• Amunu nu a kuī a le dɔ Baibol ebuū bu kaɛ ama na enia a eponia a?

  O ture

Pya nɛɛ a gaa taāŋabah Jɛhova wee ɛrɛnage gbɛnɛ ekɛɛrɛ. Bu edobah, Devid bee ɛrɛ gbɛnɛ ekɛɛrɛ keekee sɔ̄ bu ye tɔɔ̄dum. E taɛ nu aa siranageloo booboo pya i wuga anii’ee lo. (Yɔɔ 13:2; 139:23) E lo ama aa siranageloo pya zege. Siga sɔ̄, gbɛnɛ ekɛɛrɛ dap doo kɔ pya nu ba wee doo, doodoo si tɔkpa le si enɔānu aa wa taɛ na. Gbɛnɛ ekɛɛrɛ dap doonage kɔ bɔɔ a wee wa aa, ale doo kɔ ba a ɛrɛ ekɛɛrɛ lo efɛ aba aba.

Pya zege, lo a le bui gaa ɛrɛ gbɛnɛ ekɛɛrɛ, bui kɔaa nɛ bui tɛ le ka, ale ziī nɛɛ enyima agaloo. Waa lɔɛ ekɔ nɛ Jɛhova bu kara. (Fil 4:6) Alɛ gaa le eyerebah a nɛ. (Yɔɔ 94:17-19; Ais 41:10) Naa ɛp nu a bee siraloo Steing ama.

Bira VIDIO a kura Jɛhova Kuū Mɛ Dɛɛ̄ Loo. Lɛɛ o bip pya a le kɛ̄ kɔ:

• Amunu dɔ Baibol na a bee yerebah nɛ Steing a, e a bee ye yerebah nɛ doodoo wa?

• Mɛ sīdee na Jɛhova bee ye kuūdɛɛ̄loo a?

Pya tɛ le ka, bui dap yerebah nɛ pya bui miɔŋɔ kɔ ba a be eebah gbɛnɛ ekɛɛrɛ. E bui dap doo wo tɛ̄maloo egbaɛ̄ wa tɔ̄loo kaāna, wa tɔgɛ kɔ bui weree wa loo, le lo eyerebah wa nɛ kɔ ba a suā kɔ Jɛhova were wa loo. (Tait 2:4; Jem 1:19) Pya tɛ le ka, dɛɛaa nyɔɔ Jɛhova lokwa bui ɛrɛ mɛm le e’agaloo lo esu yeābah nɛ pya bui miɔŋɔ.

Ii le edap suā sɔ̄ ziī nɛɛ a le bu bɔŋanaloo aa ɛrɛ gbɛnɛ ekɛɛrɛ, ale dābeeloo kɛ̄ nu aa ye tɔɔ̄loo doo. Kerewo, i dap yerebah lo edoo kɔ dɛ̄dɛɛ̄ nɛɛ a le bu bɔŋanloo a muɛ kɔ i weree wa loo le lo edoo kɔ loo wa a sukɛ̄.—Kam 12:25; Hib 10:24.