1-7 Nia Enɔɔ̄
LE-YƆƆ 23-25
Yɔɔ 4 le Kara | Ue Nuūnabee (1 minit)
1. “Jɛhova Na Nɛɛ A Mɛ Ɛp Doodoo Nɛɛ Tɔɔ̄loo Naana Pee A”
(10 minit)
Jɛhova zaā i sī (Yɔɔ 23:1-3; w11 5/1 31 ¶3)
Jɛhova kpega i (Yɔɔ 23:4; w11 5/1 31 ¶4)
Jɛhova nɛ i nuede (Yɔɔ 23:5; w11 5/1 31 ¶5)
Jɛhova kuūdɛɛ̄loo pya ye zooro dookɛ̄ nɛɛ tɔɔ̄loo naana pee wee kuūdɛɛ̄loo pya ye naana pee doo.
BIP OLOO KƆ, ‘Pya amunu sīdee na Jɛhova ekuūna mɛ dɛɛ̄loo a?’
2. Pya Nu A Kuī A Le Bu Baibol
(10 minit)
Yɔɔ 23:3—Ena “dee kaāna dogo” a, e ena eyerebah i nɛ kɔ i aa dabia aa nyɔɔ a? (w11 2/15 24 ¶1-3)
Amunu nu a kuī a le dɔ Baibol ebuū bu kaɛ ama na enia a eponia a?
3. Buū Baibol
(4 minit) Yɔɔ 23:1–24:10 (th 5 nuenɔ)
4. Bɔātɛ̄ Kɔniaue
(3 minit) ZUE UE BU BUGIA. Buū ziī dɔ kpa kaɛ eyere mɛmloo nɛɛ a a kɔ nɛ kɛ̄ pya nu a gaa sira ye taɛ̄ŋɛ doo. (lmd 2 nuenɔ 5 barakpaɛ̄)
5. Kiā Tura
(4 minit) AA ZIĪ TƆ YII ZIĪ. Tɔgɛ nɛɛ a bee su nwīekpo kpa a kura Ɛrɛ Ekpeloo Dum Mmɛ Deedee! kɛ̄ i wee nyɔɔnɛ pya nɛɛ nɔ Baibol doo. (lmd 9 nuenɔ 3 barakpaɛ̄)
6. Zue Ue
(5 minit) lff 14 nuenɔ 4 barakpaɛ̄ (lmd 11 nuenɔ 3 barakpaɛ̄)
Yɔɔ 54
7. Ii Gbaɛ̄tɔ̄loo Muɛ Pya Saanɛɛ
(15 minit) Kɔniaue.
Naana pee wee suāloo muɛ̄ nɛɛ a wee wa tɔɔ̄loo sa ba nyɔɔnɛ ye. Mɛ ba wee teera sɔ̄ ba dā muɛ̄ nɛɛ saanɛɛ. (Jɔn 10:5) Bu aba lo sīdee na i gbaɛ̄tɔ̄loo muɛ̄ baɛ nɛɛ a i tɔɔ̄loo lo i dɛrɛ nyiɛ nyɔɔ kaāna a, lo a le Jɛhova le Jizɔs. (Yɔɔ 23:1; Jɔn 10:11) Mɛ i kiī muɛ̄ pya saanɛɛ lo ba gbī esu “keekee bee muɛ̄ ue esah” ɔɛloo i yira.—2 Pit 2:1, 3.
Kpa Jɛnɛsis taa ekobee baatɛ̄ tua sɔ̄ a bee lu edā muɛ̄ nɛɛ saanɛɛ a kɛnɛkɛ̄. Setan bee gɔ̄ loo ye sa kɔ ue nɛ Iv tɛ̄maloo yɔɔ, e Iv naa bee suā nɛɛ a gaa ye kɔ ue nɛ. A bee daādaa sereloo doodoo bee alue ye gbo, sa kɔ esah kumaloo Jɛhova le ekɛɛrɛ Jɛhova ɛrɛ kumaloo miɔŋɔ nɛɛ. Mɛ alu ekiɛ̄nu kɔ Iv bee gbaɛ̄tɔ̄loo muɛ̄ Setan, e lo ama bee ye su tɔga nua loo le dɛ̄dɛɛ̄ pya ye manamana.
Nii’ee, Setan gbī edoo kɔ i ɛrɛ baɛbaɛ ekɛɛrɛ kumaloo Jɛhova le ye bɔŋanaloo, e a doo wo tɛ̄maloo ekɔ pɔrɔ pɔrɔ kpɛa, su esah pigloo kaka ue, le kɔgara gbɛnɛ gbɛnɛ bee esah. Sɔ̄ i dā muɛ̄ nɛɛ saanɛɛ, a bɔloo kɔ i teera! Kunɛ gbaɛ̄tɔ̄loo bu ekpurubah nyɔɔbee i gbī esuā ziī nu dap i ɛrɛ pah nyɔɔ bu edɔɔ̄. Setan bee dagesī kɔ edo ue lokwa a dap dag Iv ni? (Jɛn 3:1, 4, 5) Mɛ ena i doo lo a le ziī nɛɛ i suāloo—gbī ekɔ pɔrɔ yereue akiiloo bɔŋanaloo Jɛhova i nɛ ani?
Bira VIDIO a kura Kiī “Muɛ̄ Pya Saanɛɛ.” Lɛɛ o bip pya a le kɛ̄ kɔ:
Ena o nɔ aāloo kɛ̄ Jade doo dogo doo sɔ̄ ye ka a naale nɛɛ ekeebee gbī ekɔ pɔrɔ yereue akiiloo bɔŋanaloo Jɛhova ye nɛ a?
8. Enɔānu Baibol Bu Bɔŋanaloo
(30 minit) bt 8 ekobee ¶1-4, ekpo a le 61-62 naɛsī
