29 Nia Enɔɔ̄–5 O’oo Enɔɔ̄
LE-YƆƆ 34-35
Yɔɔ 10 le Kara | Ue Nuūnabee (1 minit)
1. “Leera Jɛhova Dɛ̄dɛɛ̄ Sɔ̄”
(10 minit)
Devid bee leera Jɛhova kere sɔ̄ a bee le bu taāŋa (Yɔɔ 34:1; w07 3/1 22 ¶11)
Devid bee ɛɛ̄ŋa bu Jɛhova, e a naale bu alɛɛ loo (Yɔɔ 34:2-4; w07 3/1 22 ¶13)
Kɛ̄ Devid bee leera Jɛhova doo bee yere mɛmloo pya ye gbo (Yɔɔ 34:5; w07 3/1 23 ¶15)
Sɔ̄ a bee lu e’agara Devid lɛɛbah Abimɛlɛk, 400 nɛɛ lo bu wa naa bee ɛɛ loo nu Mɛnɛ Sɔɔl gaa doo bee gbaaloo Devid bie bu kpo-sagara wii. (1 Sam 22:1, 2) Naadabah Devid bee aara pya nɛɛ ama bu nyiɛ ye sɔ̄ a bee ɛm le-yɔɔ ama.—Yɔɔ 34, ue a le bee.
BIP OLOO KƆ, ‘Mɛ sīdee na m dap leera Jɛhova sɔ̄ m gaa le enyɔɔnɛ ziī nɛɛ kɔnia ue bie dɔɔ̄na enɔānu i ɛrɛ a?’
2. Pya Nu A Kuī A Le Bu Baibol
(10 minit)
-
Yɔɔ 35:19—Ena Devid aa kɔ sɔ̄ a bara Jɛhova kɔ aa yiga kɔ pya a gaa ye baae a “doo dɛɛ̄ kap” a? (w06 5/15 20 ¶2)
-
Amunu nu a kuī a le dɔ Baibol ebuū bu kaɛ ama na enia a eponia a?
3. Buū Baibol
(4 minit) Yɔɔ 34:1-22 (th 5 nuenɔ)
4. Bɔātɛ̄ Kɔniaue
(2 minit) ZUE UE BU BUGIA. Lo kɔniasɔh ina kuma sɔ̄ o sii dap zue ue. (lmd 1 nuenɔ 4 barakpaɛ̄)
5. Kiā Tura
(4 minit) ZUE UE BU BUGIA. (lmd 2 nuenɔ 4 barakpaɛ̄)
6. Kɔ O Yira Siā
(5 minit) Tɔgɛsiā Bu Edoba. ijwfq 59—Ekobee Ue: Pya Ekeebee Jɛhova Wee Tɛɛ̄ Doodoo Wa Suā Lo A Le Ziī Dee Seseea Lu Lo A Bɔloo? (th 17 nuenɔ)
Yɔɔ 59
7. Taa Sīdee Eleera Jɛhova Bie Enɔānu
(15 minit) Kɔniaue.
Pya i enɔānu bu bɔŋanaloo nɛ i pya kaāna sīdee i dap leera Jɛhova. Taa sīdee i dap doo wo na ama.
Kɔniasɔh: Kɔ nu akiiloo kɛ̄ Jɛhova lee doo sɔ̄ o gaa nyɔɔnɛ pya dɔɔ̄na kɔniaue. (Yɔɔ 145:1, 7) Ekɔ a ɛrɛ ziī nu o bee dā ale o bee buū lo a a dɔbiī nɛ ni? Ekɔ a ɛrɛ ziī le nu a bee a siraloo bie uwe zue ue ni? Ekɔ a ɛrɛ nu ziī nɛɛ bee kɔ ale nu a bee doo lo a bee a yere mɛmloo ni? Ekɔ a ɛrɛ gah a le loo dɛmnu o bee muɛ a a nia ni? Dɛ̄dɛɛ̄ nu ama lu dɔɔ̄nu a aabah Jɛhova. (Jem 1:17) Wee piiga lo enwaabah ina enɔānu lokwa o dap ɛrɛ sɔ̄ enyɔɔnɛ pya dɔɔ̄na kɔniasɔh.
Agara Ebip: Piiga lo e’agara kere alu ziī bee ebip bie ziī ziī enɔānu. (Yɔɔ 26:12) O dap agara taɛ kɛ̄ a le bu kpa doo, sikɛ̄ kɔ yereloo, baatɛ̄ ziī dɔ kpa kaɛ, kɔ nu akiiloo foto, ale kɔ kɛ̄ i dap su yerebu dogo doo. Kuma sɔ̄ pya dɔɔ̄na etoorenage bah nyɔɔ a, lee kɔ o kpɛ̄naloo gbɛnɛ-edo ebip serekɛ̄. Booboo nɛɛ edap “waara zɔɔ alu eka nɛ Bari” lo a le i ture lu 30 sɛkɔn ale kiikɛ̄ ee wo.—Hib 13:15.
Yɔɔ: Su ɛɛbu le mɛm uɛma pya yɔɔ Buɛ̄-mɛnɛ. (Yɔɔ 147:1) Naale edap lu etubo a bahloo dɛ̄dɛɛ̄ dee o si enɔānu eetɔɔ̄ na bɔŋanaloo pya nɛɛ kuīkpo, mɛ o ɛrɛ dee lo e’uɛ yɔɔ dɛ̄dɛɛ̄ sɔ̄. Kereadoo a tɔɔ̄ a loo kɔ oo parae uɛ yɔɔ, a ɛɛrɛ bu Jɛhova kaāna lo a le o piiga kuma kɛ̄ o dap doo! (2 Kɔr 8:12) O dap kpɛ̄naloo tɛ̄maloo edasī nɔ pya lo yɔɔ aā be.
Bira VIDIO a kura Bɔŋanaloo Jɛhova Le Nyɔɔ Tee—Yɔɔ, 1 Ekpokɛ̄. Lɛɛ o bip pya a le kɛ̄ kɔ:
Ena i bɔŋanaloo bee doo lo a tɔgɛ kɔ uɛ yɔɔ leera Jɛhova kuī a?
