• Job 37:20—Mɛ sīdee na a wee lu etɛ̄ma yereue le kpɛa mmɛloo pya dɔɔ̄na bu sɔ̄ a bee lu e’ɛm Baibol a? (it-1 492)

  O ture

• Amunu nu a kuī a le dɔ Baibol ebuū bu kaɛ ama na enia a eponia a?

  O ture

Bɔŋanaloo Jɛhova enɛa i pya nu a i yerebah nɛ kɔ i gbaɛ̄tɔ̄loo lok Bari akiiloo miī. (Doonu 15:28, 29) O gaa suge pya nu ama daānu leere ni?

Durable Power of Attorney (DPA) Card le Identity Card (ic): Pya kere kpa ama baatɛ̄ kɛ̄ nɛɛ a gaa gbī edooa pie loo gbī esu miī daānu doo. Pya zue ue a eliamaā dap su DPA card aābah nɛɛ a wee le bee kpa bu wa bɔŋanaloo, gbaānage loo lo a kura Identity Card nɛ pya wa gbagbara nwiī. A lee kɔ i aara kere kpa ama kuma ɛrɛgeba kɛ̄ i kii. Lo o gbī ebiibahtɛ̄ lo kpa ale nyaana pio yereue a a kiiloo a le bu, o aa pee sɔ̄, doo bu nwaanwaabah.

Information for Expectant Mothers (S-401) le Information for Patients Requiring Surgery or Chemotherapy (S-407): Pya kpa ama yerebah i nɛ kɔ i kpɛ̄naloo leere sɔ̄ i gbī edooa pie loo, gbaānage loo kɛ̄ i su miī daānu doo. Bip kpa ama aābah pya o kanɛɛ lo a le bu le a loo, ale o gbī esi wee baa a loo ale o gbī ebo dumɛloo a kura cancer.

Hospital Liaison Committee (HLC): Elua ekpɔā pya kanɛɛ a gaa sitam HLC kɔ ba a kɔ ue akiiloo miī nɛ pya dɔktɔ le pya wuga. Ba dap nyɔɔnɛ pya o dɔktɔ kɔnia pya sīdee elu ebo a sa a naale elu eyere a miī loo. E lo alu ebɛɛ̄ ba dap a yerebah nɛ lo egbī dɔktɔ lo enwadɛɛ̄ o biaɛfii. Pya wuga nɛɛdam ama le ekpɛ̄naloo lo eyerebah a nɛ ɛrɛgeba biradee bu kaɛ. Aba sɔ̄ o muɛ ziī kɛ̄tɔɔ̄ lo egbī kɔ o tɔɔ̄ tɔ-pie ale ba ebaa a loo, ale dɔɔ̄na sīdee dooa pie loo doodoo bo dumɛ cancer, waa pee sɔ̄ lo ekue pya HLC kereadoo a bee kɔ miī naale elu ebɛɛ̄. Pya bu le loo a doonage kɛ̄ alu ekɔ doo ama. Lo o gbī yerebah, kɔ nɛ ziī nɛɛ kanɛɛ kɔ a nɛ a nɔmba fon pya HLC.

Bira VIDIO a kura Kɛ̄ Pya Hospital Liaison Committee Aa Yerebah Doo. Lɛɛ o bip pya a le kɛ̄ kɔ:

Mɛ sīdee na pya HLC edap a yerebah nɛ lo o kpesī kɛ̄tɔɔ̄ a gbī dooa pie loo ale kɔ alu ebaa a loo a?