Kpugi bɛɛ̄ dɛdɛɛ̄ ii loe nɛ nu abɛɛ̄ pya i butɔ. (Kam 30:8) Nyɔnɛbee, “kpugi lu kpega.” (Eklisiastis 7:12) Doodoo dam le wa, adap aga loe kɔ nu akiiloo kpugi, mɛ bui aa yira kɔ kpugi a yere taaŋa bu bui iya dam le wa. (Pya Ɛfɛsɔs 4:32) Dam le wa a dɛrɛ nyiɛ nyɔɔ ziī sa gbaa biaɛfii kɛ̄ ba esu kpugi daā nu doo.

NU KPA BAIBOL KƆ: “Mɛɛ̄ ai le yɛɛ, a gaa gbī ewu benyɔɔ anaale e dasī eŋɛtɛkɛ̄, buū nu ae si, lo ale a ɛrɛ nu ae gbɔɛ̄ ye loo?” (Luk 14:28) Alu ebɛɛ̄ kɔ bui gbaa nɔɔ̄ kɛ̄ bui su bui kpugi daā nu doo. (Amos 3:3) Biaɛfii nu ai bɛɛ̄ loe yaɛ le kuma kpugi o dap kpɛ loo. (Kam 31:16) Naale dɛ̄dɛɛ̄ nu o muɛ̄ na o yaɛ a, nyɔnɛbee kpugi le a bah a. Piiga loe ɔbɛ de kɔm. Sa yaɛ nu bah a toora.—Kam 21:5; 22:7.

NU O DAP DOO:

• Lo siga kpugi biakɛ̄ sɔ̄ enɔɔ̄ etaa, gbaaraa biaɛfii nu bui su lo kpugi daā

• Lo kpugi naa gbɔ̄ɛ̄ a bah, nɔɔ̄ taɛ kɛ̄ o doo lokwa kpugi o yaā nu kiikɛ̄. Bu edoba, bui dap bui, bui nuede, taā bui yaɛ̄ nuede ba ebuira sah aā ee

NU KPA BAIBOL KƆ: “Doo dɛ̄dɛɛ̄ nu bu kaānā sīdee, a naale aba kɛ̄sī Jɛhova, mɛ gbaānage loo kɛ̄sī nɛɛ.” (2 Pya Kɔrint 8:21) Kɔ kaka nɛ o dam ale o wa loo kpugi o gaa ɛrɛ le lo o kpɛ.

Wee nyɔnɛ o dam ale o wa bira loo sɔ̄ bui ɛrɛ gbɛnɛ biaɛfii loo nu esu kpugi daā. (Kam 13:10) Bira loo kɛ̄ esu kpugi daā nu doo e yerebah loe sere efɛɛloo bu bui iya dam le wa. Oa ɛp kpugi o ɛrɛ nua aba olo, mɛ, doodoo kpugi o butɔ.—1 Timɔti 5:8.

NU O DAP DOO:

• Gbaaraa yira kuma kpugi ziī ziī bui dap daā nu, kere sɔ̄ buii kɔnɛ ziī

• Oa yira baɛ sɔ̄ ziī taaŋa esira lɛɛ bui gaa kɔ ue akiiloo kpugi