01 NUENƆ

Bu Mɛ Sīdee Na Baibol A Dap Yerebah Nɛ A?

PLAY

Bia kina alu dɛ̄dɛɛ̄ nɛɛ a le bu nyɔuwe na a wee bip ebip akiiloo dum, tɔga, luh, le nu esira li deesī a. I wee kɛɛrɛ nage nu akiiloo kɛ̄ edoo tɔɔ̄dum ziī ziī biradee, doodoo kɛ̄ i tɛɛ̄ doo ɛrɛ nuede sa le bu ɛɛbu bu i tɔ. Gbɛnɛ-edo nɛɛ emɔna kɔ Baibol agara pya gbɛnɛ gbɛnɛ ebip bu dum sa nɛnage zuurabahtɔ̄ a dɔbiī nyɔɔ kɛ̄ i tɔɔ̄dum ziī ziī dee doo. Ɛrɛge ziī nɛɛ o suāloo o kɛɛrɛ kɔ Baibol dap yerebah nɛ ni?

1. Pio amunu ebip na Baibol agara a?

Baibol agara pya gbɛnɛ ebip a doodoo: Dum bee bɔātɛ̄ doodoo wa? E na alu ekɛɛrɛ a le dumɛ dum a? E na anua pya nɛɛ tɔga nyɔɔ nu ba naa bee doo a? E na a i sira loo sɔ̄ i u a? Lo dɛ̄dɛɛ̄ nɛɛ gbī etɔɔ̄ bu efɛɛloo, e na anua benɔ̄ eeloo bu nyɔuwe a? E na a gaa le sira a kɛnɛkɛ̄ li deesī a? Baibol yere i mɛm loo kɔ i gbī ture pya ebip ama, e gbɛnɛ-edo nɛɛ emɔna kɔ pya ye ture dɔbiī.

2. Bu mɛ sīdee na Baibol i dap yerebah nɛ kɔ i ɛrɛ ekpeloo bu dum ziī ziī biradee a?

Baibol nɛ i le zuurabahtɔ̄. Bu edoba, a tɔgɛ ziī ziī butɔ kɛ̄ ba edap ɛrɛ kaāna ɛɛbu doo. A kɔ kɛ̄ i dap tama gbɛnɛ ekɛɛrɛ sa ɛrɛ ɛɛbu aāloo i tam doo. Sɔ̄ i gaa nɔ kpa ama, o suā nu Baibol tɔgɛ kiiloo pya ebip ama le pya lo dɔɔ̄na. O yiga kɔ “dɛ̄dɛɛ̄ nu a bee lu e’ɛm bu Kpa Kaɛ [dɛ̄dɛɛ̄ nu a le bu Baibol] . . . ɛrɛ biī.”—2 Timɔti 3:16.

Naa lu esu kpa ama sere dɔ Baibol. Taāwo, a yere a mɛm loo kɔ o nɔ Baibol. Nyɔɔwo, i kɔ o buū pya dɔ kpa kaɛ a le bu pya ye ekobee ue sa su dooreloo nu waa nɔ.

NƆ YERELOO

Kɛɛrɛ kɛ̄ Baibol eyerebah nɛ pya nɛɛ doo, kɛ̄ o dap ɛrɛ ekpeloo sɔ̄ o gaa buū doo, le nu anua alu ebɛɛ̄ kɔ alu eyerebah a nɛ kɔ o dābeeloo.

3. Baibol dap i leredee bah

Baibol le doodoo bee-miā a bɛ kaāna. A dap i yerebah nɛ kɔ i biaɛ nu fii leere sa i tɔgɛ nu esira aabu i biaɛfii.

Buū Le-yɔɔ 119:105, lɛɛ o agara pya ebip ama:

Nɛɛ a ɛm le-yɔɔ ama bee ɛmadɛɛ̄ Baibol doodoo wa?
Olo ɛmadɛɛ̄ Baibol doodoo wa?

4. Baibol dap agara pya i ebip

Ziī wa bee ɛrɛ ture loo pya ebip a bee ye taɛ̄ŋɛ bu gbɛnɛ-edo zua aābu Baibol. Bira lo VIDIO, lɛɛ o agara pya ebip a nyɔɔnɛ ama.

VIDIO: Kiisī Lo E Ɛrɛ Bɛābu Sa O Aa Pee Beenyiɛ A Lɔgɔ Sɔ̄! (1:48)

Bu vidio i ɛp sah ama, pya amunu ebip na lo wa bee bip a?
Bu mɛ sīdee na nɔ Baibol ye yerebah nɛ a?

Baibol yere i mɛm loo kɔ i bip ebip. Buū Matiu 7:7, lɛɛ o agara ebip ama:

Pya amunu ebip o ɛrɛ na Baibol a dap agara nɛ a?

5. Buū Baibol dap a kpeloo

Buū Baibol ekpealoo gbɛnɛ-edo nɛɛ, sa ba gaa ɛrɛ biī aāloo. Bira lo VIDIO, lɛɛ o agara pya ebip a nyɔɔnɛ ama.

VIDIO: Buū Baibol (2:05)

Bu vidio i ɛp sah ama, buū kpa wee tɔɔ̄loo pya zege doodoo wa?
E na anua buū Baibol nia wa kere buū dɔɔ̄na kpa naa wee wa nia a?

Baibol ɛrɛ pya ue a i nɛ egbɔ̄nyiɛ le bɛābu. Buū Pya Rom 15:4, lɛɛ o agara ebip ama:

Pya yii a le bu Baibol a nɛ egbɔ̄nyiɛ le bɛābu niage a ni?

6. Pya dɔɔ̄na dap i yerebah nɛ kɔ i dābeeloo Baibol

Gbɛnɛ-edo nɛɛ emɔna kɔ nyɔɔnɛ pya dɔɔ̄na nɔ Baibol edora kɔ ba a dābeeloo ee sɔ̄ ba buū nyɔɔ wa loo. Buū Doonu pya Nɛɛ lɛɛratam 8:26-31, lɛɛ o agara ebip ama: