02 NUENƆ
Baibol Nɛ Bɛābu
Gbɛnɛ-edo nɛɛ a le bu nyɔuwe ama gaa kpesī taāŋa a doo kɔ ba a ɛrɛ ekiɛ̄nu, gbɛnɛ ekɛɛrɛ, le ezialoo. O etɛ̄na bu kɛ̄tɔɔ̄ a doo kɔ pya nu ama a sira a loo ni? Naa daba, o gaa tɔga nyɔɔ dumɛloo ale bee ziī o nɛɛ u. O dap bip aba ɔɔ kɔ, ‘Dum eleege ziī dee ni?’ Baibol nɛ ture a i gbɔ̄nyiɛ loo ebip ama.
1. Amunu bɛābu na Baibol i nɛ akiiloo deesī a?
Baibol naa kɔ aba nu anua taāŋa mma bu nyɔuwe, mɛ a kɔnage kɔ a bia kunɛ nwīgbagbara sɔ̄ dɛ̄dɛɛ̄ lo taāŋa tah. Pya yii a le bu Baibol dap a “nɛ sɔ̄ a le sī le bɛābu.” (Buū Jeremia 29:11, 12.) Pya yii ama yerebah i nɛ kɔ i tama pya taāŋa i le bu anyaawo, sa doonage kɔ i ɛrɛ le ekɛɛrɛ, le ɛɛbu.
2. Mɛ dua deesī na Baibol kɔ nu akiiloo a?
Baibol baatɛ̄ kɔ deesī li “luh naale elena, ale ekiɛ̄nu, ale to, ale yɔyɔ.” (Buū Mumuuna 21:4.) Pya taāŋa a doo kɔ nɛɛ aa ɛrɛna bɛābu anii’ee doodoo, kporo, pɔrɔ biaɛ, dumɛloo, le luh, naale elena. Baibol kɔ i nɛ kɔ pya nɛɛ etɔɔ̄ ekpeloo dum bu Paradais a kɛnɛkɛ̄ mmɛ deedee.
3. O dap doodoo wa dɛrɛ nyiɛ nyɔɔ bɛābu a le bu Baibol ni?
Gbɛnɛ-edo nɛɛ bɛābu kɔ kɛ̄tɔɔ̄ elee, mɛ ba naa dɛrɛ nyiɛ nyɔɔ kɔ nu ba bɛābu a edooa. Pya yii a le bu Baibol lu kee. I dap dɛrɛ nyiɛ nyɔɔ nu a kɔ tɛ̄maloo e “ɛp nu a le bu Kpa Kaɛ leere.” (Doonu 17:11) Sɔ̄ waa nɔ Baibol, o dap ɛp sɛh o yiga nu Baibol kɔ akiiloo deesī ale oo le eyiga.
NƆ YERELOO
Gbītɛ̄ pio yii a le bu Baibol akiiloo deesī li. Muɛ̄ kɛ̄ pya ue a nɛ bɛābu a le bu Baibol gaa yerebah nɛ pya nɛɛ doo anii’ee.
4. Ue a le bu Baibol nɛ bɛābu akiiloo ɛrɛ dum a naa tah bu le kɛ̄tɔɔ̄
Ɛp pya yii alu e’ɛm bu Baibol a le kɛɛ̄ ama. Amunu a le yɛɛ na a a nia a? E e na anua a?
Buū pya dɔ kpa kaɛ alu e’ɛm kpaɛ̄ pya lo yii, lɛɛ o agara pya ebip a nyɔɔnɛ ama:
-
O kɛɛrɛge kɔ ue a le bu pya dɔ kpa kaɛ ama nɛ bɛābu ni? Ba dapge nɛ bɛābu pya o butɔ le pya o gbo ni?
Naa kɛɛrɛ kɔ o tɔɔ̄ bu nyɔuwe kɛ̄
|
LƆGƆ NƐƐ NAALE E . . . |
DƐ̄DƐƐ̄ NƐƐ E . . . |
|---|---|
|
|
|
|
|
|
|
|
|
|
5. Pya yii a le bu Baibol dap a nɛ bɛābu
Gbɛnɛ-edo nɛɛ epeera beenyiɛ ale ba e’ɛrɛ saŋ aāloo pya taāŋa a wa tɛɛ̄ ɛŋɛnɛ. Pio nɛɛ epiiga kaāna lo ekwa lo kɛ̄tɔɔ̄. Muɛ̄ kɛ̄ pya yii a le bu Baibol a kɔ nu elee aa yerebah nɛ pya nɛɛ doo anyaawo. Bira lo VIDIO, lɛɛ o agara pya ebip a nyɔɔnɛ ama.
-
Bu vidio i ɛp sah ama, amunu pɔrɔ biaɛ na a bee bɛā Rafika a?
-
Kere adoo pɔrɔ biaɛ a bee sira ye barasī naa bee aa, Baibol bee ye yerebah nɛ doodoo wa?
Yiyiga nu Baibol kɔ akiiloo deesī li dap i yerebah nɛ kɔ i ɛrɛ e’agaloo sa tama pya i taāŋa anyaawo. Buū Kam 17:22 le Pya Rom 12:12, lɛɛ o agara pya ebip ama:
-
O kɛɛrɛge kɔ pya yereue a nɛ bɛābu a le bu Baibol dap nyaana o dum anyaawo ni? E na anua a?
PIO NƐƐ KƆ: “Pya yii a le bu Baibol akiiloo deesī li lee mɛ a aga eyiga kɔ edooa.”
-
E na anua alu ebɛɛ̄ kɔ o gbītɛ̄ nyɔɔ oloo a?
TƐƐ̄NYƆƆ
Pya yii a le bu Baibol a kɔ kɛ̄ deesī li ekpeloo doo, nɛ i bɛābu sa doo kɔ i dap tama pya i taāŋa.
Ebip Tɛ̄ma Nyɔɔ
-
E na anua alu ebɛɛ̄ kɔ pya nɛɛ a suā pya yii a le bu Baibol a?
-
E na Baibol kɔ akiiloo deesī li a?
-
Mɛ sīdee na ɛrɛ bɛābu akiiloo deesī li eyerebah a nɛ anyaawo a?
GBĪTƐ̄ NU
Nɔ kɛ̄ bɛābu o ɛrɛ a dap yerebah nɛ doo sɔ̄ o le bu e’aga kɛ̄tɔɔ̄.
Nɔ kɛ̄ ɛrɛ bɛābu akiiloo deesī li dap yerebah nɛ pya etɔ̄na bu dumɛloo bu nyɔɔnyɔɔ sɔ̄ doo.
“Baibol Dapge I Yerebah Nɛ Kɔ I Tama Dumɛloo Bu Nyɔɔnyɔɔ Sɔ̄ Ni?” (Ekobee ue a le nyɔɔ intanɛt)
Sɔ̄ o gaa ɛp yɔɔ alu ebira bu vidio ama, muɛ̄ aba ɔɔ le pya o tɔ a gaa ɛrɛ ɛɛbu bu Paradais alu eyira yii loo li deesī.
Buū nu akiiloo kɛ̄ dum nɛɛ a bee gbī enyaana ye edo bee nyaa doo sɔ̄ a bee nɔ nu akiiloo bɛābu a le bu Baibol akiiloo deesī li.
“Mm Bee Kɛɛrɛna Kɔ M Nyaanae Nyɔuwe” (The Watchtower, July 1, 2013)
