04 NUENƆ
Mɛɛ̄ Na Bari A?
Bia kina alu aā sɔ̄ nyɔuwe bee bɔātɛ̄ na pya nɛɛ etaāŋabah keekee nwī-bari a. Kerewo, Baibol kɔ nu akiiloo ziī Bari lo alu “gbɛnɛ eenyɔɔ dɛ̄dɛɛ̄ bari.” (2 Nu a bee lu edoo 2:5) Amunu Bari lo? E e na a doo kɔ alu gbɛnɛ ee dɛ̄dɛɛ̄ dɔɔ̄na bari pya nɛɛ taāŋabah a? Bu nu enɔ ama, o muɛ kɛ̄ Bari kuea loo ye a nɛ doo.
1. Bee Bari kura wa, e i doodoo wa suā kɔ a gbī kɔ i suā lo bee ni?
Bari kuea loo ye i nɛ bu Baibol. A kɔ: “Mda na Jɛhova a. Lo ama na mdaa bee a.” (Buū Aisaia 42:5, 8.) “Jɛhova” lu bee alu etap aāloo ziī bee bu Hibru lo nu a kura na “A Doo Kɔ A Dooa.” Jɛhova gbī kɔ i suā ye bee. (A’aa 3:15) I tɛɛ̄ doodoo wa suā lo ama? A doo kɔ ye bee a sira bu Baibol nu a eeloo 7,000 sɔ̄! a Bee a kura Jɛhova le nɛ aba lo kaka “Bari a le bunyɔɔ li mmnyɔɔ, le nyɔuwe a le kɛɛ̄.”—Deuteronomi 4:39.
2. E na Baibol i tɔgɛ akiiloo Jɛhova a?
Baibol kɔ yɛɛ dɛ̄dɛɛ̄ nwī-bari pya nɛɛ taāŋabah, aba Jɛhova na lo kaka Bari a. E na anua a? Ɛrɛ gbɛnɛ-edo nu anua. Jɛhova na dɛ̄dɛɛ̄ ekpo le bah a, e aba alɛ na a “eenyɔɔ dɛ̄dɛɛ̄ nu a le bu nyɔuwe a.” (Buū Leyɔɔ 83:18.) Alu “Nɛɛ A Eenyɔɔ Dɛ̄dɛɛ̄ Nu,” lo a kura kɔ a ɛrɛ ekpo edaā ɛrɛgeba nu a gbī edoo. Alɛ na a bee “doo dɛ̄dɛɛ̄ nu a,” lo a le yube nyɔuwe le dɛ̄dɛɛ̄ nu a tɔɔ̄dum a le kɛnɛkɛ̄. (Mumuuna 4:8, 11) Aba Jɛhova na a le aā kere a, sa elenage mmɛ deedee.—Le-yɔɔ 90:2.
NƆ YERELOO
Nɔ kee a le yɛɛ pya esobee alu enɛ Bari le ye kpābah bee. Lɛɛ o nɔ sīdee a muuna lo bee le nu anua a doo kɔ o suā lo bee.
3. Bari ɛrɛ gbɛnɛ-edo esobee, le ziī kpābah bee
Lo emuɛ kee a le yɛɛ esobee ziī nɛɛ le ye kpābah bee, bira lo VIDIO, lɛɛ o agara ebip a nyɔɔnɛ ama.
-
E na alu kee a le yɛɛ esobee a doodoo “Nɛɛ-a-i-ɛrɛ,” le kpābah bee a?
Baibol kɔ pya nɛɛ taāŋabah gbɛnɛ-edo nwī-bari. Buū Le-yɔɔ 136:1-3, lɛɛ o agara ebip ama:
-
Mɛɛ̄ na alu “Bari lo dɛ̄dɛɛ̄ bari” le “Nɛɛ-a-ɛrɛ pya nɛɛ-a-ɛrɛ” a?
4. Jɛhova gbī kɔ o suā ye bee sa kue
E na a tɔgɛ kɔ Jɛhova gbī kɔ o suā ye bee a? Bira lo VIDIO, lɛɛ o agara pya ebip a nyɔɔnɛ ama.
-
O kɛɛrɛge kɔ Jɛhova gbī kɔ pya nɛɛ a suā ye bee ni? E na anua a?
Jɛhova gbī kɔ pya nɛɛ a su ye bee daānu. Buū Pya Rom 10:13, lɛɛ o agara pya ebip a nyɔɔnɛ ama:
-
Su bee Bari a kura Jɛhova daānu lu gbɛnɛ doodoo wa?
-
Wee a tɔɔ̄loo doodoo wa sɔ̄ nɛɛ suā o bee sa a kue ni?
-
O kɛɛrɛ kɔ a tɔɔ̄loo Jɛhova doodoo wa sɔ̄ o ye kue bee ni?
5. Jɛhova gbī kɔ o lu ye gbo
Ziī wa a kura Soten alu Cambodia bee kɔ suā bee Bari yerebah ye nɛ kɔ a ɛrɛ “ekpeloo loo tɔɔ̄dum a kɛnɛkɛ̄.” Bira lo VIDIO, lɛɛ o agara ebip a nyɔɔnɛ ama.
-
Bu vidio i ɛp sah ama, suā bee Bari ɛrɛ pah nyɔɔ Soten doodoo wa?
Lɛɛ o gae lu gbo ziī nɛɛ, o wee dasī suā ye bee. Buū Jemes 4:8a, lɛɛ o agara pya ebip ama:
-
E na Jɛhova a kue kɔ o doo a?
-
Bu mɛ sīdee na suā bee Bari sa ye kue edoo kɔ o tɔɔ̄ ye waɛloo a?
PIO NƐƐ KƆ: “Aba ziī Bari a le, nyɔɔwo i dap ye kue ɛrɛgeba bee.”
-
O yigage kɔ bee Bari kura Jɛhova ni?
-
Mɛ sīdee na o dap baatɛ̄ nɛ pya dɔɔ̄na kɔ Bari gbī kɔ i kuee ye bee a?
TƐƐ̄NYƆƆ
Jɛhova na bee aba lo kaka Bari a. A gbī kɔ i suā lo bee sa su daānu lokwa i ye dap tɔɔ̄ waɛloo.
Ebip Tɛ̄ma Nyɔɔ
-
Bu mɛ sīdee na Jɛhova lu kee loo dɛ̄dɛɛ̄ dɔɔ̄na bari pya nɛɛ taāŋabah a?
-
E na anua i kue bee Bari a?
-
E na a tɔgɛ kɔ Jɛhova gbī kɔ o tɔɔ̄ ye waɛloo a?
GBĪTƐ̄ NU
Ɛp o’oo nu anua i yiga kɔ Bari le.
Suā nu anua alu nu suānu le bu lo eyiga kɔ Bari le.
Suā nu anua i kue bee Bari, kere ii suā taɛ kɛ̄ a bee lu ekue doo a dee kere.
Lege nu a kuī na bee i kure Bari ni? Ɛp nu anua i kɔ a ɛrɛ ziī kpābah bee.
a Lo esuā nu bee Bari kura le nu anua alu elɛɛ lo bee bu pio tatap Baibol, buū Appendix A4 bu New World Translation of the Holy Scriptures.
