Jɛhova gbī kɔ o suāe ye loo leere. E na anua a? A suā kɔ kuma kɛ̄ o nɔ nu akiiloo pya ye elap dogo, ye ekɛɛrɛ, le kɛ̄ a aara pya nɛɛ doo, kɛ̄ o gbīnage eyii ye gbo doolo. O dapge lu gbo Bari ni? (Buū Le-yɔɔ 25:14.) E na o dap doo lo elu gbo Bari a? Baibol agara pya ebip ama sa tɔgɛ nu anua yii gbo Jɛhova kuī eenyɔɔ dɛ̄dɛɛ̄ nu o dap ɛrɛ.

1. E na Jɛhova a kue kɔ o doo a?

“Suaa bui loo nua loo Bari, e alɛ etɔɔ̄ i waɛloo.” (Jemes 4:8) E na lo ama kura a? Jɛhova gaa a kue kɔ o lue ye gbo. Dap agabah pio nɛɛ ekɛɛrɛ kɔ ba dabe lu gbo nɛɛ ba naa dap muɛ̄, a sii sɛh Bari. Kerewo, bu ye Muɛ̄ Ue lo a le Baibol, Jɛhova tɔgɛ i dɛ̄dɛɛ̄ nu alu ebɛɛ̄ kɔ i suā akiiloo ye elap dogo lokwa i ye dap tɔɔ̄ waɛloo. Sɔ̄ i buū yereue Bari i nɛ bu Baibol, gbanialoo i ye ɛrɛ kumaloo nyim kere ii ye dap muɛ̄.

2. E na anua Jɛhova lu gbɛnɛ le Gbo o dap ɛrɛ a?

Jɛhova were a loo ee kɛ̄ ɛrɛgeba nɛɛ a wereloo doo. A gbī kɔ o ɛrɛ ɛɛbu sa ye yere kara nɛ ɛrɛgeba sɔ̄ o gbī yerebah. O dap ‘top dɛ̄dɛɛ̄ o ekɛɛrɛ ebɛɛ̄ ye tɛrɛ nyɔɔ, nyɔnɛbee alɛ e’ɛp a.’ (1 Pita 5:7) Jɛhova kpɛ̄naloo eyerebah, gbɔ̄nyiɛ, sa gbaɛ̄tɔ̄ pya ye gbo dɛ̄dɛɛ̄ sɔ̄.—Buū Le-yɔɔ 94:18, 19.

3. E na Jɛhova ɛmadɛɛ̄ aābah pya ye gbo a?

Jɛhova wereloo dɛ̄dɛɛ̄ nɛɛ, “mɛ pya a yira kaāna na a ture nyiɛ loo a.” (Kam 3:32) Jɛhova gbī kɔ pya ye gbo a piiga lo edoo pya nu alɛ ɛp kɔ a lee sa kpooraloo aaloo pya nu a ɛp kɔ a bee piya. Pio nɛɛ kɛɛrɛ kɔ ba naale edabe tɔɔ̄dum a gbaaloo daakuu Jɛhova nyɔɔ nu a lee le nu a bee piya. Kerewo, Jɛhova dābeeloo dɛ̄dɛɛ̄ i kɛ̄tɔɔ̄. A su baɛ bah suā ɛrɛgeba nɛɛ a ye wereloo sa doo nu ba dap doo lo e’ɛɛrɛ ye bu.—Le-yɔɔ 147:11; Doonu 10:34, 35.

 NƆ YERELOO

4. Abreham bee lu gbo Jɛhova

E’ɛma a le bu Baibol akiiloo Abreham (a lunage ekue Abram) doo kɔ i dābeeloo nu yii gbo Bari kura. Buū nu akiiloo Abreham bu kpa Jɛnɛsis 12:1-4. Lɛɛ o agara pya ebip ama:

• E na Jɛhova bee kɔ Abreham a doo a?

• Amunu yii na Jɛhova bee ye yira nɛ a?

• Abreham bee doo dogo kumaloo pya zuurabahtɔ̄ Jɛhova doodoo wa?

5. Nu Jɛhova gbī kɔ pya ye gbo a doo

Ɛrɛ pio nu i wee ɛmadɛɛ̄ aābah pya i gbo.

• Pio e na enia a kɔ pya o gbo a doo a nɛ a?

Buū 1 Jɔn 5:3, lɛɛ o agara ebip ama:

• E na Jɛhova ɛmadɛɛ̄ aābah pya ye gbo a?

Lokwa i dap gbaɛ̄tɔ̄loo Jɛhova, alu ebɛɛ̄ kɔ i kwabaloo i elap dogo. Buū Aisaia 48:17, 18, lɛɛ o agara ebip ama:

• E na anua Jɛhova gbī kɔ pya ye gbo a kwabaloo wa elap dogo a?

 6. Nu Jɛhova doo nɛ pya ye gbo

 TƐƐ̄NYƆƆ

Jɛhova gbī elu o Gbo, e eyerebah a nɛ kɔ o tɔɔ̄ ye waɛloo.

Ebip Tɛ̄ma Nyɔɔ

• Jɛhova yerebah nɛ pya ye gbo doodoo wa?

• E na anua Jɛhova kɔ pya ye gbo a kwabaloo wa elap dogo a?

• O kɛɛrɛ kɔ nu Jɛhova gbī aābah pya ye gbo aga gbɛnɛ ni? E na anua o kɛɛrɛ doo wo a?