09 NUENƆ

Tɔɔ̄ Waɛloo Bari Tɛ̄maloo Yere Kara

PLAY

O wee kɛɛrɛge kɔ o gbīe baɛloo bu dum ni? A ɛrɛge pya gbɛnɛ gbɛnɛ ebip o gbī kɔ alu e’agara a nɛ ni? O gbī egbɔ̄nyiɛ sɛh agɛrɛ nyiɛ ni? Eniage a etɔɔ̄ waɛloo Jɛhova ni? Kara dap a yerebah nɛ bu dɛ̄dɛɛ̄ kɛ̄tɔɔ̄ ama. Mɛ, mɛ sīdee na a bɔloo kɔ i yere kara a? Bari gbaɛ̄ge tɔ̄loo dɛ̄dɛɛ̄ kara ni? E na o doo lokwa Bari dā dɛ̄dɛɛ̄ o kara a? I naa ɛp.

1. Mɛɛ̄ na i yere kara ma a, e e na i dap yere kara kumaloo a?

Jizɔs bee kɔ i yere kara ma aba i Tɛ a le li bunyɔɔ. Jizɔs bee yere kara nɛ Jɛhova. A bee kɔ: “Bui taāŋa doo wo ama: ‘Ilii Tɛ a le li bunyɔɔ . . . ’” (Matiu 6:9) Sɔ̄ i yere kara nɛ Jɛhova, i agɛrɛtɛ̄ gbanialoo i ye ɛrɛ kumaloo.

I dap yere kara nyɔɔ ɛrɛgeba nu. Mɛ lokwa Bari agara i kara, a ɛrɛ egbaaloo ye ekɛɛrɛ. “Lo a le i bara ɛrɛgeba nu dookɛ̄ [Bari] gbī doo, alɛ edā i muɛ̄.” (1 Jɔn 5:14) Jizɔs bee nɛ edoba nyɔɔ pya nu a bɔloo kɔ i yere kara kumaloo. (Buū Matiu 6:9-13.) Gbaāloo yere kara kumaloo pya i ebɛɛ̄, ii le e’ibere edoo yaa Bari loo pya nu edoora i nɛ, lɛɛ i bara kɔ a yerebah nɛ pya dɔɔ̄na.

2. I yere kara doodoo wa?

Baibol yere i mɛm loo kɔ i ‘egara i beenyiɛ kɛ̄sī Bari.’ (Le-yɔɔ 62:8) Nyɔɔwo, a bɔloo kɔ i kara a aa i taɛ bu beenyiɛ. I dap yere kara siā nyɔɔ ale i yere bu nyiɛ i, e i dapnage tɔɔ̄ ɛrɛgeba tɔɔ̄ a tɔgɛ enwadɛɛ̄. I dap yere kara ɛrɛgeba sɔ̄ bie ɛrɛgeba kɛ̄.

3. Bari agara pya i kara doodoo wa?

A doo wo bu gbɛnɛ-edo sīdee. Jɛhova enɛā i ye Muɛ̄ Ue lo a le Baibol, kɛ̄ i dap gbī ture pya i ebip. Bubuū Muɛ̄ Ue Bari dap “nɛ suānu pya a naa ɛrɛ ekɛɛrɛ.” (Le-yɔɔ 19:7; buū Jemes 1:5.) A dap i nɛ efɛɛloo beenyiɛ sɔ̄ i le bu e’aga kɛ̄tɔɔ̄. E a dapnage doo kɔ pya ye zooro a yerebah i nɛ sɔ̄ i gbī yerebah.

NƆ YERELOO

Ɛp kɛ̄ o dap yere kara enia Bari, le kɛ̄ kara a dap dɔbiī nɛ doo.

4. Ɛrɛ kɛ̄ Bari gbī kɔ i yere kara ye nɛ doo

Pya e na edap doo kɔ Bari a gbaɛ̄tɔ̄ i kara ale aa gbaɛ̄tɔ̄ a? Bira lo VIDIO.

VIDIO: Bari Dage Dɛ̄dɛɛ̄ Kara Ni?—Sigaloo (2:42)

Jɛhova gbī kɔ i yere kara ye nɛ. Buū Le-yɔɔ 65:2, lɛɛ o agara pya ebip ama:

O kɛɛrɛge kɔ “Nɛɛ a dā kara” gbī kɔ o yere kara ye nɛ ni? E na anua o kɛɛrɛ doo wo a?

Lo i gbī kɔ Bari a agara pya i kara, i ɛrɛ etɔɔ̄dum a gbaaloo ye daakuu. Buū Maika 3:4 le 1 Pita 3:12, lɛɛ o agara ebip ama:

E na i doo lokwa Jɛhova agara pya i kara ani?

Sɔ̄ aa lu ebe nɔ̄, pya nɔ̄ a aa baɛ sīloo a wee yere kara lo ebe eeba. Suānu lege bu lo e’ɛmadɛɛ̄ kɔ Bari edā kara ba yere ama ni?

5. I ɛrɛ eyere kara aābu i beenyiɛ

Elua etɔgɛ pio nɛɛ kɔ ba a tɛɛ̄ nyɔɔ ziī bee ue booboo sɔ̄ bu wa kara. Mɛ a lege kɛ̄ Bari gbī kɔ i yere kara ye nɛ doolo ni? Buū Matiu 6:7, lɛɛ o agara ebip ama:

E na o doo lokwa oo ‘tɛɛ̄nyɔɔ ziī bee ue tɛɛ̄na’ bu pya o kara a?

Ziī ziī biradee, o dap kɛɛrɛbu sa doo yaa Jɛhova nyɔɔ ziī le nu a bee sira bu o dum. Doo wo dɛ̄dɛɛ̄ dee bu ziī kaɛ, e lɛɛ wae suā o yere kara nyɔɔ ɛrɛba keekee ekobee ue sa oo kɔ lɔgɔ ue tɛɛ̄nyɔɔ tɛɛ̄na.

Le tɛ wee gbī kɔ ye nwiī a kɔ ue ye nɛ aābu ye beenyiɛ. Bu aba lo sīdee, Jɛhova gbī kɔ i kɔ ue ye nɛ aābu i beenyiɛ

6. Yere kara lu dɔɔ̄nu a aabah Bari

Mɛ sīdee na kara edap i yere mɛm loo sɔ̄ kɛ̄tɔɔ̄ lee le sɔ̄ a bee piya ani? Bira lo VIDIO.

VIDIO: Yere Kara Yerebah I Nɛ Kɔ I Tama (1:32)

Baibol kɔ kara dap i yerebah nɛ kɔ i ɛrɛ kaāna efɛɛloo beenyiɛ. Buū Pya Filipai 4:6, 7, lɛɛ o agara pya ebip ama:

Kere kara naa wee sah pya i taāŋa dɛ̄dɛɛ̄ sɔ̄, a yerebah i nɛ doodoo wa?
Pio e na enia a eyere kara kumaloo a?

O suāge ni?

Nu “amen” kura na “a le doo wo” ale “kɛ̄ i kɔ lo.” Aā sɔ̄ a bee lu e’ɛm Baibol, wee lu edoo “amen” sɔ̄ alu eyere kara sah.—1 Nu a bee lu edoo 16:36.

7. Yere kara dɛ̄dɛɛ̄ sɔ̄

Ɛrɛ sɔ̄ tam i dap eeloo bah sa a ibere i eyere kara. Kara bee kuī loo Jizɔs doodoo wa? Buū Matiu 14:23 le Maak 1:35, lɛɛ o agara pya ebip ama: