Jizɔs bee tɔgɛ kɔ Pya Nɛɛ Kraist ɛrɛ eliamaā. (Buū Matiu 28:19, 20.) Mɛ ena alu liamaā a? E ena nɛɛ ɛrɛ edoo lo enyim inaloo liamaā a?

1. Ena alu liamaā a?

“Liamaā” lu bee ue a aabu muɛ̄ ue Grik lo a kura “ziziire” yere kɛɛ̄ maā. Bee lu eziire Jizɔs yere taɛ kɛɛ̄ Pɛnɛ Jɔdan sɔ̄ a bee liamaā, lɛɛ “a aa bu maā a.” (Maak 1:9, 10) Dookɛ̄ a bee lu elimaā Jizɔs doo, lunage eziire ale sɔɔrɛ Pya Nɛɛ Kraist yere taɛ bu maā sɔ̄ ba aa liamaā.

2. E na liamaā tɔgɛ a?

Tɛ̄maloo eliamaā, nɛɛ tɔgɛ kɔ ekīnae ye loo nɛ Jɛhova Bari. Mɛ nɛɛ wee kiīloo nɛ Jɛhova doodoo wa? Lɛɛ a gae liamaā, lo nɛɛ ekɔ nɛ Jɛhova bu kara kɔ a gbī esietam ye nɛ mmɛ deedee. A yira yii nɛ Jɛhova kɔ a gbī etaāŋae bah alɛ le kɔ esue dodoo nu a gbī nua nu a ye kuī loo bu dum. A biaɛfii lo e “anna ye loo sa . . . nyɔɔnɛ” pya tɔgɛnu le edoba Jizɔs. (Matiu 16:24) Ye kiīloo nɛ le liamaā doo kɔ a dap ɛrɛ le gbanialoo kumaloo Jɛhova le pya a ye taāŋabah.

3. Ena alu ebɛɛ̄ kɔ nɛɛ a doo lokwa a nyim tura lo eliamaā a?

O dap kpɛ̄naloo loo liamaā tɛ̄maloo enɔnu akiiloo Jɛhova sa agɛrɛtɛ̄ yira o ye ɛrɛ bu. (Buū Pya Hibru 11:6.) Kɛ̄ o suānu le yira bu Jɛhova nyim yiiloo doo, kɛ̄ wereloo o ye ɛrɛ loo eyiinage loo doolo. O taɛ lo ekɔ nu akiiloo Bari le lo etɔɔ̄dum a gbaaloo ye daakuu eyiinage loo. (2 Timɔti 4:2; 1 Jɔn 5:3) Aba sɔ̄ sīdee tɔɔ̄dum ziī nɛɛ tɔgɛ kɔ aa “kiā bu dee a bɔloo [Jɛhova] lo a ye nia leere,” a dap biaɛfii lo ekiī ye dum nɛ Bari sa liamaā.—Pya Kɔlɔsi 1:9, 10. a

 NƆ YERELOO

4. I dap nɔ nu aāloo liamaā Jizɔs

Buū Matiu 3:13-17 lo enɔ nu akiiloo liamaā Jizɔs yereloo. Lɛɛ o agara pya ebip ama:

• Jizɔs bee lege gbagbara nwiī sɔ̄ a bee liamaā ni?

• Bee lu eli ye maā doodoo wa? Bee luge epinɛ ye maā bee ni?

Bee le sɔ̄ Jizɔs eliamaā sah na a bee bɔātɛ̄ esi keebee tam Bari bee ye nɛ kɔ a si a nyɔɔ kɛnɛkɛ̄ a. Buū Luk 3:21-23 le Jɔn 6:38, lɛɛ o agara ebip ama:

• Amunu tam na Jizɔs bee su nua tuatua bu ye dum sɔ̄ eliamaā sah a?

5. Liamaā lu nu seeasī o dap doo

Kɛkɛɛrɛbu kiīloo nɛ le liamaā dap a agabah tua sɔ̄. Mɛ o dap nyim kiisī ina kɛ̄ o muɛ kɔ alu ebɛɛ̄ kɔ o biaɛefii lo eliamaā. Lo emuɛ pio nɛɛ a bee doo wo, bira lo VIDIO.

Buū Jɔn 17:3 le Jemes 1:5, lɛɛ o agara ebip ama:

• Ena edap yerebah nɛ nɛɛ kɔ a kpɛ̄naloo lo eliamaā a?

1. I kiīloo nɛ Jɛhova tɛ̄maloo ekɔ ye nɛ kɔ i gbī esietam ye nɛ mmɛ deedee

2. Sɔ̄ i liamaā, i tɔgɛ dɛ̄dɛɛ̄ pya a le kɛ̄ kɔ i ebee kiīe i dum nɛ Bari

 6. Liamaā yere a yɛɛ pya butɔ Jɛhova

Sɔ̄ i liamaā, i nuuna ziī gā wuga a le bu gbaaloo tɛɛ̄ ɛŋɛnɛ nyɔuwe. Kere i aa keekee barasī le kɛ̄ a bee lu ekpɔā i bie, i yiga aba nu sa ɛrɛ aba daakuu tɔɔ̄dum a ɛɛ. Buū Le-yɔɔ 25:14 le 1 Pita 2:17, lɛɛ o agara ebip ama:

• Bu mɛ sīdee na liamaā ɛrɛ pah nyɔɔ gbanialoo ziī nɛɛ ɛrɛ kumaloo Jɛhova le pya dɔɔ̄na a ye taāŋabah a?

 TƐƐ̄NYƆƆ

Jizɔs bee tɔgɛ kɔ Pya Nɛɛ Kraist ɛrɛ eliamaā. Nɛɛ a gbī enyim tura ɛrɛ e’agɛrɛtɛ̄ ye gbanialoo kumaloo Jɛhova, tɔɔ̄dum tɛ̄maloo pya ye daakuu, sa kiī ye dum nɛ Jɛhova.

Ebip Tɛ̄ma Nyɔɔ

• Ena a kura liamaā a, e ena anua alu gbɛnɛ a?

• Amunu gbaaloo na a le yɛɛ kiīloo nɛ le liamaā a?

• Ena alu ebɛɛ̄ kɔ nɛɛ aa gbī ekiīloo nɛ sa liamaā a dasī doo a?