34 NUENƆ

Ena I Dap Doo Lo Etɔgɛ Kɔ I Wereeloo Jɛhova A?

PLAY

Wereloo o ɛrɛ loo Bari eyirage loo ee kɛ̄ a wee le doo kuma sɔ̄ o bɔātɛ̄ enɔ Baibol ama ni? Eniage a eyere mɛm loo gbanialoo o ye ɛrɛ kumaloo ni? Lo a le wo, suā kɔ kuma kɛ̄ Jɛhova muɛ kɔ wereloo o ye ɛrɛ loo aa nyim doo na alɛ ewerenage a loo sa a kuūdɛɛ̄loo doo a. O dap tɔgɛ kɔ o weree ye loo doodoo wa?

1. I dap tɔgɛ Jɛhova kɔ i weree ye loo doodoo wa?

I tɔgɛ kɔ i wereeloo Jɛhova tɛ̄maloo egbaɛ̄ ye tɔ̄ loo. (Buū 1 Jɔn 5:3.) A naa su bah ekpo aā lɔgɔ nɛɛ kɔ a gbaɛ̄e ye tɔ̄loo. Taāwo, a nɛ dee ziī ziī ii kɔ i sagɛ sɛh i gbaɛ̄ ye tɔ̄ loo ale i lɛɛ ye bee kɛɛ̄. Ena anua a doo wo a? Jɛhova gbī kɔ i ‘gbaɛ̄e ye tɔ̄ loo aā bu i beenyiɛ.’ (Pya Rom 6:17) Bu dɔɔ̄na ekɔa, naa gbī kɔ o gbaɛ̄e ye tɔ̄loo nyɔɔbee alu nu o ɛrɛ edoo, mɛ nyɔɔbee o were ye loo. Pya ue alu e’ɛm bu 3 le 4 ekpokɛ̄ loo kpa ama eyerebah a nɛ kɔ o tɔgɛ Jɛhova kɔ o weree ye loo tɛ̄maloo edoo pya nu a ye nia sa ɔbɛ edoo pya nu ebiire ye bu.

2. Ena anua tɔgɛ Jɛhova kɔ i weree ye loo dap aga pio sɔ̄ a?

“Booboo etɛɛrɛloo le nɛ nɛɛ kaāna dogo.” (Le-yɔɔ 34:19) Dɛ̄dɛɛ̄ ii aa be e’aga be loo i kɛ̄tɔɔ̄ namloo a naa mmana. E naɛnu, pɔrɔ biaɛ, le pya dɔɔ̄na e’aga kɛ̄tɔɔ̄ dapnage i kpesī. Sɔ̄ i le bu naɛbah, naa dap i waɛloo edoo nu Jɛhova i gbī aābah. Le doo wo nyɔɔbee doo piya nu wee waɛ ee doo le nu. Mɛ o tɔgɛ Jɛhova kɔ o weree ye loo ee ɛrɛgeba dɔɔ̄na nu, sɔ̄ o ye tɔɔ̄nɛ sa doo nu a kɔ o doo. E o tɔgɛ ye kɔ o tɔɔ̄e agara ye nɛ. E alɛ etɔɔ̄nage agara a nɛ. A naale elɛɛ a bahloo bie lɔgɔ sɔ̄.—Buū Le-yɔɔ 4:3.

NƆ YERELOO

Gbītɛ̄ lo esuā nu anua alu ebɛɛ̄ kɔ o gbaɛ̄tɔ̄loo Jɛhova, le nu edap a yerebah nɛ kɔ o tɔɔ̄ agara ye nɛ.

3. Ziī ue olo le bu

Dookɛ̄ kpa Job kɔ doo, Setan bee dɛrɛ ue Job gbaānage loo dɛ̄dɛɛ̄ pya a gbī etaāŋabah Jɛhova. Buū Job 1:1, 6–2:10, lɛɛ o agara pya ebip ama:

Setan bee kɔ ena anua Job taāŋabah Jɛhova a?—Ɛp Job 1:9-11.
Amunu ue na Setan dɛrɛ dɛ̄dɛɛ̄ nɛɛ gbaānage loo olo a?—Ɛp Job 2:4.

Buū Job 27:5b, lɛɛ o agara ebip ama:

Job bee tɔgɛ kɔ a wereeloo Jɛhova doodoo wa?

Job bee tɔgɛ kɔ a wereeloo Jɛhova tɛ̄maloo eyira agɛrɛ ye nɛ

I tɔgɛ kɔ i wereeloo Jɛhova tɛ̄maloo etɔɔ̄ agara ye nɛ

4. Doo kɔ bu Jɛhova a ɛɛ

Buū Kam 27:11, lɛɛ o agara pya ebip ama:

Tɔɔ̄loo Jɛhova doodoo wa sɔ̄ o ɛrɛ suānu sa ye gbaɛ̄tɔ̄loo? Ena anua a?

5. O dap tɔɔ̄ agara nɛ Jɛhova

Wereloo i ɛrɛ loo Jɛhova zū i kɔ i kɔ nu a ye kiiloo nɛ pya dɔɔ̄na. I tɔɔ̄ agara zū i kɔ i doo wo kere sɔ̄ a aga. Bira lo VIDIO, lɛɛ o agara pya ebip a nyɔɔnɛ ama.

VIDIO: Kɔ Ue Bee O Yira Kaɛlɛɛ Gbānasī (5:09)

Wee a aga loo ekɔ nu akiiloo Jɛhova nɛ pya dɔɔ̄na ni?
Bu vidio ama, ena a yerebah nɛ Grayson kɔ a be eeba ye bɔɔ a?

A waɛ etɔɔ̄ agara nɛ Jɛhova lo i wereloo nu a wereloo sa baaloo nu a baaloo. Buū Le-yɔɔ 97:10, lɛɛ o agara pya ebip ama:

Dɛɛa nyɔɔ nu o enɔā, pio ena Jɛhova wereloo a? Pio ena a baaloo a?
Bu mɛ sīdee na o nɔ ewereloo nu a lee, sa baaloo nu a bee piya a?

6. Gbaɛ̄tɔ̄loo Jɛhova dɔbiī i nɛ

Gbaɛ̄tɔ̄loo Jɛhova na a lee eera a. Buū Aisaia 48:17, 18, lɛɛ o agara pya ebip ama:

O kɛɛrɛge kɔ a lee edɛrɛ nyiɛ nyɔɔ Jɛhova kɔ a suā nu a i lee loo eera ni? Ena anua o kɛɛrɛ doo wo a?
Bu mɛ sīdee na nɔ Baibol le nɔ nu akiiloo Jɛhova alu kaka Bari edɔa biī a nɛ a?

PIO NƐƐ KƆ: “Pya na dogo naa kuu Bari.”