Dɛ̄dɛɛ̄ nɛɛ gbī e’ɛrɛ gbo a kɔ kaka. Jɛhova ɛmadɛɛ̄ kɔ pya ye gbo a kɔnage kaka. Mɛ lo ama naa waɛ nyɔɔbee i le bu nyɔuwe gbɛnɛkpo nɛɛ naa kɔ kaka. Pya amunu biī na i ɛrɛ lo i kɔ kaka bu dɛ̄dɛɛ̄ nu a?

1. Taɛ ena anua i kɔ kaka bu dɛ̄dɛɛ̄ nu a?

Sɔ̄ i kɔ kaka ue nɛ pya dɔɔ̄na, i tɔgɛ kɔ i wereloo Jɛhova sa ye nɛ enwadɛɛ̄. Suā kɔ: Jɛhova suā dɛ̄dɛɛ̄ nu i kɛɛrɛ sa doo. (Pya Hibru 4:13) A yere nukuādɛɛ̄ loo sɔ̄ i biaɛfii lo ekɔ kaka, e a tɔgɛ nia loo. Ye Muɛ̄ Ue kɔ: “Nɛɛ a bɛga lu saāŋa loo Jɛhova, mɛ pya a yira kaāna na a ture nyiɛ loo a.”—Kam 3:32.

2. Bu pya amunu sīdee na i dap kɔ kaka ue ziī ziī dee bu i dum a?

Jɛhova gbī kɔ i “[kɔ] kaka ue nɛ ziī.” (Zekaria 8:16, 17) Ena lo ama kura a? Kere i gaa kɔ ue nɛ pya i butɔ, pya i koo kɛ̄tam, pya i wuga nɛɛdam le nɛɛwa bu yira, ale pya bɛbɛɛ, ii wee kɔ esah ale kɔ ue dag wa nɛ. Pya a kɔ kaka naa wee yib nu aābah pya dɔɔ̄na ale ziā wa. (Buū Kam 24:28 le Pya Ɛfɛsɔs 4:28.) E ba kpɛ dɛ̄dɛɛ̄ wa tax. (Pya Rom 13:5-7) Bu sīdee ama le bu pya dɔɔ̄na sīdee, i “doo dɛ̄dɛɛ̄ nu leere.”—Pya Hibru 13:18.

3. Pya amunu biī na a le bu kɔ kaka ue a?

Pya nɛɛ wee i dɛrɛ nyiɛ nyɔɔ sɔ̄ ba suā kɔ i wee kɔ kaka. I yerebah lo edoo kɔ bɔŋanaloo a le bu gbaaloo le kpoogaloo doodoo ziī butɔ. I ɛrɛ le ekɛɛrɛ beenyiɛ. Kɔ kaka ue doonage kɔ i “tɔgɛ tɔgɛ nu Bari i Nɛɛ-kpɔā,” sa doo kɔ pya a le ee a gbī etaāŋabah Jɛhova.—Taitɔs 2:10.

 NƆ YERELOO

5. Kɔ kaka dɛ̄dɛɛ̄ sɔ̄

 6. I ɛrɛ biī sɔ̄ i kɔ kaka

Pio sɔ̄ a dap bee kɔ kaka ue nua taāŋa. Mɛ sɔ̄ sɔ̄ gaa kiisī, o muɛ kɔ kɔ kaka ue na alu nu a lee eera a. Buū Le-yɔɔ 34:12-16, lɛɛ o agara ebip ama:

• Kɔ kaka ue doo kɔ o dum a lee doodoo wa?

1. Dam le wa a kɔ kaka wee agɛrɛtɛ̄ wa iya dam le wa

2. Sɔ̄ pya aa si tam kɔ kaka wee doo kɔ wa tɛtam a dɛrɛ wa nyiɛ nyɔɔ

3. Pya a gaa bɛɛ wee dɛrɛ nyiɛ nyɔɔ pya nɛɛ a le wa edo a kɔ kaka

 TƐƐ̄NYƆƆ

Jɛhova gbī kɔ pya ye gbo a kɔ kaka ue bu dɛ̄dɛɛ̄ nu ba kɔ le nu ba doo.

Ebip Tɛ̄ma Nyɔɔ

• Bu pio amunu sīdee na i dap kɔ kaka a?

• Ena anua a naa lu nu suānu le loo lo ekɛɛrɛ kɔ i dabe gɔ̄ kaka ue a?

• Ena anua o gbī ekɔ kaka ue dɛ̄dɛɛ̄ sɔ̄ a?