37 NUENƆ

Nu Baibol Kɔ Akiiloo Tam Le Kpugi

PLAY

Ekɔ o ebee ɛrɛge gbɛnɛ ekɛɛrɛ kumaloo tam o si le kɛ̄ edoo ɛrɛ kpugi ni? A dap lu nu a aga lo ekuūdɛɛ̄loo pya i ebɛɛ̄ sa taāŋanage bah Jɛhova bu sīdee a gbī. Baibol nɛ i pya zuurabahtɔ̄ a i dap yerebah nɛ.

1. Ena Baibol kɔ kumaloo tam a?

Bari gbī kɔ i ɛrɛ ekpeloo bu esiatam. Baibol kɔ, “lɔgɔ nu a lee ee bee nɛɛ . . . ɛrɛ ɛɛbu bu ye epiaga tam” naale. (Eklisiastis 2:24) Jɛhova para si tam. Sɔ̄ i ye nɔ tɛ̄maloo elu pya a para si tam, i doo kɔ bu ye a ɛɛ sa i ɛrɛ iīnaloo.

Tam lu nu a kuī. Mɛ i aa yiga kɔ a kuī eenyɔɔ i taāŋabah Jɛhova. (Jɔn 6:27) A yira yii i nɛ kɔ ekuūe dɛɛ̄ loo pya i ebɛɛ̄ lo i sue ye nua tuatua bu dum.

2. Bu mɛ sīdee na a bɔloo e’ɛp kpugi a?

Kere sɔ̄ Baibol doo kɔ i suā kɔ “kpega kpugi” le a, a zuuranage i bahtɔ̄ kɔ aba kpugi naale edap i nɛ ɛɛbu. (Eklisiastis 7:12) Nyɔɔwo, alu eyere i mɛmloo kɔ i aa wereloo kpugi mɛ “nu [i] ɛrɛ a gbɔɛ̄ i loo.” (Buū Pya Hibru 13:5.) Sɔ̄ nu i ɛrɛ i gbɔɛ̄ loo, ekpega i lɛɛloo ewee gbī e’ɛrɛ nu yereloo. Ii le ede kɔm a naa bɔloo. (Kam 22:7) Lo ama ekpega i lɛɛloo bira kpugi le kponia pya sīdee egbiā kpugi alu nwaanwaabah.

3. Bu mɛ sīdee na i dap su kpugi i ɛrɛ daānu nɛ pya dɔɔ̄na a?

Jɛhova lu Bari a wee nɛ nu bu yɔrɔ, e i gaa ye nɔ sɔ̄ i “nɛ le nu sa wo nu [i] ɛrɛ nɛ pya dɔɔ̄na.” (1 Timɔti 6:18) I dap su i kpugi daānu bu sīdee wiibu naale loo tɛ̄maloo esu yeākpotɛ̄ bɔŋanaloo le tɛ̄maloo eyerebah nɛ pya a le bu ebɛɛ̄, eetɔɔ̄ na pya wuga bu yira. Naale buā i nɛ na a kuī loo Jɛhova a, mɛ ekɛɛrɛ i su nɛā. Sɔ̄ i dɔɔ̄nu aābu i beenyiɛ, i ɛrɛ ɛɛbu e edoonage kɔ bu Jɛhova a ɛɛ.—Buū Doonu pya Nɛɛ lɛɛratam 20:35.

NƆ YERELOO

Ɛp pya biī a le bu ɛ’ɛp tam bu sīdee a bɔloo le dodoo kɔ nu i ɛrɛ a gbɔɛ̄ i loo.

4. Nɛ ka Jɛhova tɛ̄maloo sīdee o si tam

Gbanialoo i ɛrɛ kumaloo Jɛhova a ɛrɛ pah nyɔɔ kɛ̄ i ɛmadɛɛ̄ tam doo. Bira lo VIDIO, lɛɛ o agara pya ebip a nyɔɔnɛ ama.

VIDIO: Si Tam Nɛ Jɛhova Aābu Dɛ̄dɛɛ̄ O Beenyiɛ (4:39)

Bu vidio ama, ena a a nia akiiloo kɛ̄ Jason agaloo sa doo dogo bie kɛ̄tam doo a?
Ena a bee doo lo a tɔgɛ kɔ a ɛmadɛɛ̄ tam bu sīdee a bɔloo a?

Buū Pya Kɔlɔsi 3:23, 24, lɛɛ o agara ebip ama:

Ena anua kɛ̄ i ɛmadɛɛ̄ tam doo lu nu a kuī a?

Tam lu nu a kuī. Mɛ i aa yiga kɔ a kuī i loo ee i taāŋabah Jɛhova

5. I ɛrɛ biī sɔ̄ i doo kɔ nu i ɛrɛ a gbɔɛ̄ i loo

Gbɛnɛ-edo nɛɛ piiga lo e’ɛrɛ gbɛnɛkpo kpugi kumakɛ̄ ba dap doo. Mɛ Baibol zuura i bahtɔ̄ kiiloo nu a dap sira aabu. Buū 1 Timɔti 6:6-8, lɛɛ o agara ebip ama:

Ena Baibol i yere mɛm loo kɔ i doo a?

Kere ii ɛrɛ gbɛnɛ-edo nu, i dap ɛrɛ ɛɛbu. Bira lo VIDIO, lɛɛ o agara ebip a nyɔɔnɛ ama.

VIDIO: Doolo Nu “Bui Ɛrɛ a Gbɔɛ̄ I Loo” (3:20)

Ena a bee doo kɔ pya butɔ i muɛ bu vidio ama a ɛrɛ ɛɛbu kere ba naa ɛrɛ gbɛnɛkpo kpugi a?

Mɛ lo i ɛrɛ gbɛnɛ-edo nu sa lege aa gbī yereloo a? Jizɔs bee baatɛ̄ nu bɔɔ a le bu. Buū Luk 12:15-21, lɛɛ o agara ebip ama:

Ena o enɔā aāloo edoba Jizɔs bee nɛ a?—Ɛp 15 barakpaɛ̄.

Buū Kam 10:22 sa su dooreloo 1 Timɔti 6:10. Lɛɛ o agara pya ebip ama:

Ena o kɛɛrɛ kɔ alu nu a kuī gbɛnɛ a? Yiyii gbo Jɛhova sɛh ɛrɛ gbɛnɛkpo kpugi? Ena anua a?
Pya amunu taāŋa na a wee le bu gbī e’ɛrɛ gbɛnɛkpo kpugi a?

6. Jɛhova enɛ i pya nu a i bɛɛ̄

Tam le kpugi dap doā-ɛp i yira bu Jɛhova. Bira lo VIDIO lo emuɛ nu i dap doo sɔ̄ i kpesī pya doā-ɛp ama, lɛɛ o agara pya ebip a nyɔɔnɛ ama.

VIDIO: Jɛhova Enɛ I Pya Nu A I Bɛɛ̄ (6:21)

Bu vidio ama, pya amunu taāŋa na lo wuga nɛɛdam bee kpesī a?
Ena a doo lo ebe eebah pya lo taāŋa a?

Buū Matiu 6:25-34, lɛɛ o agara ebip ama:

Ena Jɛhova yira yii lo edoo nɛ pya a ye su nua tuatua bu wa dum a?

PIO NƐƐ KƆ: “Lee kɔ m si tam bu e’agabah lo eyerebah nɛ pya na butɔ. Mm le edap si enɔānu bu bɔŋanaloo dɛ̄dɛɛ̄ kaɛ.”

Amunu dɔ kpa kaɛ na a doo kɔ o suā leere kɔ su taāŋabah Jɛhova nua tuatua na lo biaɛfii a lee eera bu dum a?

TƐƐ̄NYƆƆ

Tam esi le kpugi lu ebɛɛ̄, mɛ i aa yiga kɔ a dabara i ekɛɛrɛ lɛɛloo i esiatam nɛ Jɛhova.

Ebip Tɛ̄ma Nyɔɔ

Ena eyerebah a nɛ kɔ o ɛmadɛɛ̄ tam bu sīdee a bɔloo a?
Sɔ̄ o doo kɔ nu o ɛrɛ a gbɔɛ̄ a loo edɔa biī a nɛ doodoo wa?
Bu mɛ sīdee na o dap tɔgɛ kɔ o dɛrɛe nyiɛ nyɔɔ yii Jɛhova a kɔ ekuūe dɛɛ̄loo pya ye nɛɛ a?

Dee m nɔ ekobee ue ama lɛɛ:

Nu Edoo

Naa sikɛ̄ ɛp lo a le o tam edora kɔ o wee lɔɛ enɔānu bu pio enɔɔ̄ akii adumɛ. Lo a le wo, nɔɔ̄ kɛ̄ edoo kwabaloo lo kɛ̄tɔɔ̄.

Lo Dɔɔ̄na:

Your other goal