47 NUENƆ

O Ekpɛ̄nageloo Eliamaā Ni?

PLAY

O enɔā gbɛnɛ-edo nu akiiloo Jɛhova aābu Baibol. Naadaba o ekwaabaloo pio nu lokwa o dap su pya nu o enɔā yere bu dogo. Kerewo, a dap ɛrɛ nu aa a kpaɛ̄ lɛɛloo ekiīloo nɛ Jɛhova sa liamaā. Nuenɔ ama ekɔ ue nyɔɔ pio nu a a dap kpaɛ̄ lɛɛloo eliamaā le kɛ̄ o dap be eebah doo.

1. Luge ebɛɛ̄ kɔ o dābeeloo dɛ̄dɛɛ̄ nu lɛɛ o gae liamaā ni?

Lokwa o dap liamaā, lu ebɛɛ̄ kɔ o ɛrɛ “suānu kaka.” (1 Timɔti 2:4) Lo ama naa kura kɔ o ɛrɛ esuā ture loo dɛ̄dɛɛ̄ ebip a le bu Baibol lɛɛ o gae liamaā. Kere Pya Nɛɛ Kraist eliamaā bu nyɔɔnyɔɔ sɔ̄ kiinagesī lo enɔ nu. (Pya Kɔlɔsi 1:9, 10) Mɛ alu ebɛɛ̄ kɔ o dābeeloo pya kpog-bee tɔgɛnu Baibol. Pya kanɛɛ bu bɔŋanaloo eyerebah a nɛ kɔ o suā sɛh o edaāge beeloo pio nu alu ebɛɛ̄ kɔ o dābeeloo naa e.

2. Pio ena alu ebɛɛ̄ kɔ o doo lɛɛ o gae liamaā a?

Lɛɛ o gae liamaā, o ɛrɛ e “kiiya . . . sa obia lu.” (Buū Doonu pya Nɛɛ lɛɛratam 3:19.) Lo ama kura kɔ pɔrɔ o bee si kiɛ̄ a sa o bara Jɛhova kɔ a aaloo a nɛ. O biaɛfii lo ekiī doo nu a bee piya le lo etɔɔ̄dum bu sīdee a nia Bari. Gbaāloo wo, o bɔātɛ̄ edoo pio nu bu bɔŋanaloo tɛ̄maloo esi enɔānu le uwe zue ue doodoo nɛɛ zue ue a sii liamaā.

3. Ena anua oo le eyiga kɔ bɔɔ a kpaɛ̄ a a?

Bɔɔ wee aa siga nɛɛ kɔ ba naale edabe sere yii ba bee yira nɛ Jɛhova. Lu kaka kɔ pio sɔ̄ o dap tɛɛ̄ ekwɔ dookɛ̄ pya nɛɛdam le nɛɛwa a bee yira agɛrɛ nɛ Jɛhova alu ekue bee bu Baibol bee doonage doo. Mɛ Jɛhova naa ɛmadɛɛ̄ kɔ pya aa ye taāŋabah a dasī mmana. (Buū Le-yɔɔ 103:13, 14.) Bu ye ɛɛ sɔ̄ o doo kuma kɛ̄ o dap doo! Alɛ eyerebah a nɛ. Bu kaka, Jɛhova doo kɔ i suā leere kɔ lɔgɔ nu “naale edap i kpoora lɛɛloo [ye] wereloo.”—Buū Pya Rom 8:38, 39.

NƆ YERELOO

Muɛ kɛ̄ o dap be eebah pya nu a a dap gbānasī lɛɛ loo eliamaā, tɛ̄maloo esuāloo Jɛhova leere sa su yerebah a a nɛ doo.

4. Suāloo Jɛhova leere

Lu ebɛɛ̄ kɔ o suāloo Jɛhova leere doodoo wa lɛɛ o gae liamaā? Alu ebɛɛ̄ kɔ o suā ye loo mmɛ kɛ̄ o were ye loo sa gbī edoo nu a ye nia. Bira lo VIDIO lo emuɛ kɛ̄ pya aa nɔ Baibol tɛɛ̄ ɛŋɛnɛ nyɔuwe edoora lo ama doo. Lɛɛ o agara ebip a nyɔɔnɛ ama.

VIDIO: Dee A Ture Nɛɛ Mmɛ Loo Liamaā (3:56)

Bu lo vidio, ena a bee yerebah nɛ pio nɛɛ kɔ ba a kpɛ̄naloo lo eliamaā a?

Buū Pya Rom 12:2, lɛɛ o agara pya ebip ama:

Ekɔ o ɛrɛ baɛ baɛ ekɛɛrɛ kiiloo nu Baibol tɔgɛ ale a gaa a tɔɔ̄loo kɔ nu Pya Ekeebee Jɛhova tɔgɛ naa lu kaka ni?
Lo a le wo, ena o dap doo lo esuā leere a?

5. Be eebah pya nu gbānasī a a dap kpaɛ̄ lɛɛ loo liamaā

Aba sɔ̄ i biaɛ̄fii lo ekiī i dum nɛ Jɛhova sa liamaā, i wee kpesī keekee taāŋa. Lo emuɛ ziī edoba, bira lo VIDIO, lɛɛ o agara pya ebip a nyɔɔnɛ ama.

VIDIO: Wereloo Kumaloo Jɛhova Be Eebah Gbānasī (5:22)

Bu lo vidio, amunu gbānasī na a bee lu ebɛɛ̄ kɔ Narangerel a be eebah lokwa a dap taāŋabah Jɛhova a?
Mɛ sīdee na wereloo a ɛrɛ loo Jɛhova ye yerebah nɛ kɔ a be eebah nu a bee ye gbānasī a?

Buū Kam 29:25 le 2 Timɔti 1:7, lɛɛ o agara ebip ama:

Ena a i nɛ mɛm ebeā eebah pya nu a i gbānasī a?

6. Ture nyiɛ loo Jɛhova

Jɛhova eyerebah a nɛ kɔ o dap doo nu a ye nia. Bira lo VIDIO, lɛɛ o agara pya ebip a nyɔɔnɛ ama.

VIDIO: Jɛhova Bari Eyerebah A Nɛ (2:50)

Bu lo vidio, ena a bee kpaɛ̄ nɛɛ a gaa nɔ Baibol lɛɛ loo eliamaā a?
Amunu nu a nɔ na a bee ye yerebah nɛ kɔ a agɛrɛbah ture nyiɛ loo Jɛhova a?

Buū Aisaia 41:10, 13, lɛɛ o agara ebip ama:

Ena anua a bɔloo kɔ o dɛrɛ nyiɛ nyɔɔ kɔ o dabe kpɛ yii o bee yira sɔ̄ o bee kiīloo nɛ Jɛhova a?

7. Doo kɔ ɛɛbu o ɛrɛ loo wereloo Jɛhova a yiiloo

Kuma kɛ̄ o ɛrɛ ekɛɛrɛ loo wereloo Jɛhova a ɛrɛ loo doo, kɛ̄ o doonage ye yaa sa gbīnage etaāŋa ye bah sa ye si tam nɛ doolo. Buū Le-yɔɔ 40:5, lɛɛ o agara ebip ama:

Amunu leelee a aabah Jɛhova na a a nia gbɛnɛ a?

Nɛɛ mɔmanudɛɛ̄ Jeremaia bee wereloo Jɛhova le ye muɛ̄ ue, sa bee tɔgɛ kaāna nia loo dee a bee ye kpaā nɛ kɔ bee Jɛhova kuea ye loo. A bee kɔ: “Dɛ̄dɛɛ̄ o bee-ue lu ɛɛbu mɛ nɛ le le nu a mɛ ɛɛrɛ beenyiɛ; nyɔnɛbee alu ekue mɛ tɛ̄maloo o bee, Aa Jɛhova Bari lo gbɛnɛ gbo nɔ̄.” (Jeremia 15:16) Agara pya ebip ama: