Jizɔs na alu ekobee bɔŋanaloo Pya Nɛɛ Kraist a. (Pya Ɛfɛsɔs 5:23) Bu ilii dee ama, Jizɔs le bunyɔɔ sa aa leredeebah pya a wee ye nyɔɔnɛ dumɛ tɛ̄maloo “zooro a bɔloo eture nyiɛ loo sa suānu.” (Buū Matiu 24:45.) Kuma sɔ̄ Jizɔs na a wa tubobahloo a, lo “zooro” ɛrɛnage ekpo loo pio nu, mɛ ba ɛrɛ etɔɔ̄ kɛɛ̄ Kraist sa si tam nɛ pya wuga Kraist. Mɛɛ na lo zooro a? Bu mɛ sīdee na ba i kuūdɛɛ̄loo a?

1. Mɛɛ na “zooro a bɔloo eture nyiɛ loo sa suānu” a?

Jɛhova wee su ziī nɛɛ ale eku nɛɛ lo eleredeebah pya ye nɛɛ. (Malaki 2:7; Pya Hibru 1:1) Sɔ̄ Jizɔs e’ua sah, bee le pya nɛɛ lɛɛratam le pya kanɛɛ bu Jerusalɛm na a bee su zaāsī a. (Doonu 15:2) Bu ilii dee ama nage, ziī nwīgbagbara eku pya kanɛɛ lo alu ekue wa Eku A Baɛbee loo Pya Ekeebee Jɛhova nɛ i zuurabahtɔ̄ a aabu Baibol sa zaāsī tam zue ue. Lo eku ama na ‘zooro a bɔloo eture nyiɛ loo sa suānu lo [Jizɔs] bee tubobahloo a.’ (Matiu 24:45a) Dɛ̄dɛɛ̄ pya a le yɛɛ Eku A Baɛbee lu Pya Nɛɛ Kraist alu etɔ̄ nɔɔ̄ bee ba ɛmadɛɛ̄ lo enyɔɔnɛ Kraist bɛɛ bu ye Buɛ̄-mɛnɛ bunyɔɔ sɔ̄ ba e’ua sah.

2. Amunu nuede bu edɔɔ̄ na zooro a bɔloo eture nyiɛ loo nɛ a?

Jizɔs bee kɔ zooro a bɔloo eture nyiɛ loo gaa le “nɛ [Pya Nɛɛ Kraist] wa nuede taɛ ye sɔ̄.” (Matiu 24:45b) Dookɛ̄ nuede i de wee yerebah nɛ i ekpaloo kɔ a agaloo sa le bu nwanaloo doo, kɛ̄ nuede bu edɔɔ̄ lo a le pya zuurabahtɔ̄ a aabu Muɛ̄ Ue Bari i nɛnage mɛm lo ebia bu bɔloo ture nyiɛ loo nɛ Jɛhova, sa si tam Jizɔs enɛa i doolo. (1 Timɔti 4:6) I wee ɛrɛ pya nuede bu edɔɔ̄ ama tɛ̄maloo pya i enɔānu, asɛmbli, kɔnvɛnsɔn, le tɛ̄maloo pya kpa a baatɛ̄ Baibol, le pya vidio a i yerebah nɛ lo esuā nu Bari i gbī aābah le nu i doo lokwa i gbanialoo kiikɛ̄ a le agaloo.

 NƆ YERELOO

3. Ɛrɛ elu enɔɔ pya nɛɛ Jɛhova

Eku A Baɛbee nɔɔ tam Pya Ekeebee Jɛhova dookɛ̄ Jizɔs wa leredeebah doo. Taɛ kɛ̄ Jizɔs bee lerenage deebah Pya Nɛɛ Kraist bu bagara sɔ̄ doolo. Bira lo VIDIO.

Buū 1 Pya Kɔrint 14:33, 40, lɛɛ o agara ebip ama:

• Bu mɛ sīdee na pya dɔ kpa kaɛ ama tɔgɛ kɔ Jɛhova gbī kɔ alu enɔɔ pya ye Ekeebee a?

4. Zooro a bɔloo eture nyiɛ loo nɔɔ i tam zue ue

Tam zue ue bee le tam a kuī kaāna Pya Nɛɛ Kraist bu bagara sɔ̄ bee si. Buū Doonu pya Nɛɛ lɛɛratam 8:14, 25, lɛɛ o agara pya ebip ama:

• Yɛɛ Pya Nɛɛ Kraist bu bagara sɔ̄, ba mɛɛ na a bee nɛ zuurabahtɔ̄ nyɔɔ kɛ̄ elu ezue ue doo a?

• Pita le Jɔn bee doo dogo kiiloo leredee a aabah pya nɛɛ lɛɛratam doodoo wa?

Tam zue ue na tam a kuī eera alu enɔɔ tɛ̄mabah Eku A Baɛbee a. Bira lo VIDIO.

 Jizɔs bee kɔ siībah dɛɛ̄ kɛ̄ zue ue kuī doo. Buū Maak 13:10, lɛɛ o agara pya ebip ama:

• Ena anua tam zue ue kuī gbɛnɛ loo Eku A Baɛbee a?

• Ena anua i gbī kɔ “zooro a bɔloo eture nyiɛ loo sa suānu” a nɔɔ tam zue ue aa lu esi bu dɛ̄dɛɛ̄ nyɔuwe ama a?

5. Zooro a bɔloo eture nyiɛ loo wee nɛ leredeebah

Eku A Baɛbee leredeebah Pya Nɛɛ Kraist bu dɛ̄dɛɛ̄ nyɔuwe. Bu mɛ sīdee na ba wee biaɛfii kɛ̄ elu eleredeebah bɔŋanaloo doo a? Ɛp kɛ̄ eku a baɛbee loo Pya Nɛɛ Kraist bu bagara sɔ̄ bee doo lo ama doo. Buū Doonu pya Nɛɛ lɛɛratam 15:1, 2, lɛɛ o agara pya ebip ama:

• Amunu ue na a bee yere labalaba yɛɛ Pya Nɛɛ Kraist bu bagara sɔ̄ a?

• Ba mɛɛ na Pɔɔl, Banabas, le pya dɔɔ̄na bee pii lo e’ɛrɛ leredeebah nyɔɔ kɛ̄ esere bee loo lo ue doo a?

Buū Doonu pya Nɛɛ lɛɛratam 15:12-18, 23-29, lɛɛ o agara ebip ama:

• Lɛɛ eku a baɛbee gae biaɛfii nyɔɔ ue a bee aakɛ̄, ena ba bee doo lo e’ɛrɛ kaɛ̄nɛ deebah a aabah Bari a?—Ɛp 12, 15, le 28 barakpaɛ̄.

Buū Doonu pya Nɛɛ lɛɛratam 15:30, 31 le 16:4, 5, lɛɛ o agara pya ebip ama:

• Pya Nɛɛ Kraist bu bagara sɔ̄ bee doo dogo kiiloo leredee a aabah eku a baɛbee doodoo wa?

• Bu mɛ sīdee na Jɛhova bee nɛ leelee wa gbaɛ̄tɔ̄loo a?

Buū 2 Timɔti 3:16 le Jemes 1:5, lɛɛ o agara ebip ama:

• Mɛ kɛ̄ na Eku A Baɛbee wee aā leredeebah sɔ̄ ba gaa biaɛ nu fii anii’ee a?

 TƐƐ̄NYƆƆ

Eku A Baɛbee na “zooro a bɔloo eture nyiɛ loo sa suānu” lo alu etubobahloo tɛ̄mabah Kraist. Ba nɛ nuede bu edɔɔ̄ Pya Nɛɛ Kraist tɛɛ̄ ɛŋɛnɛ nyɔuwe sa wa leredeebah.

Ebip Tɛ̄ma nyɔɔ

• Mɛɛ na a bee tubobahloo “zooro a bɔloo eture nyiɛ loo sa suānu” a?

• Bu mɛ sīdee na Eku A Baɛbee i kuūdɛɛ̄loo a?

• O yigage kɔ Eku A Baɛbee na “zooro a bɔloo eture nyiɛ loo sa suānu” a?