Bu yube ekpo kpa ama, o enɔā gbɛnɛ-edo nu akiiloo Jɛhova. Pya nu o enɔā edora kɔ o wereloo Jɛhova kaāna mmɛ kɛ̄ o ye kiīloo nɛ sa liamaā. E lo a le o sii liamaā, naa daba o gaa kɛɛrɛ lo edoo wo sɔ̄ sɔ̄ naa binia. Mɛ o kiisī leere naa yira sɔ̄ o liamaā sah. O dap kiisī lo etɔɔ̄ waɛloo Jɛhova mmɛ deedee. Bu mɛ sīdee?

1. Ena anua o kiisī lo e’agɛrɛtɛ̄ o gbanialoo kumaloo Jɛhova a?

I ɛrɛ epiiga kuma kɛ̄ i dap doo lo e’agɛrɛtɛ̄ i gbanialoo kumaloo Jɛhova. Ena anua a? Lokwa a naa lu “eyɛɛrɛ i” ye aāloo. (Pya Hibru 2:1) Ena eyerebah i nɛ kɔ i taāŋabah Jɛhova bu bɔ ture nyiɛ loo a? I dap ɛrɛ kaāna bah bu esiatam zue ue sa gbī pya dɔɔ̄na sīdee i su siātam nɛ Bari. (Buū Pya Filipai 3:16.) Si tam nɛ Jɛhova na sīdee tɔɔ̄dum a lee eera a!—Le-yɔɔ 84:10.

2. Dɔɔ̄na ena o kiisī lo edoo a?

Kere o enɔā ekpo kpa ama lɛɛ, o le gaa kiisī lo etɔɔ̄dum doodoo Nɛɛ Kraist. Baibol kɔ alu ebɛɛ̄ kɔ i “yaa aā dee dum.” (Pya Ɛfɛsɔs 4:23, 24) Kuma sɔ̄ o kiisī lo enɔ Muɛ̄ Ue Bari sa si enɔānu bu bɔŋanaloo, o gaa le nɔ pya aā aā nu akiiloo Jɛhova le ye elap dogo. Gbī pya sīdee o dap nɔā pya ye elap dogo sa su yere bu o dum. Kiisī lo ekwabahloo pya nu alu ebɛɛ̄ lokwa o doo kɔ bu Jɛhova a ɛɛ.

3. Bu mɛ sīdee na Jɛhova eyerebah a nɛ kɔ o kiisī leere a?

Baibol kɔ: “Bari . . . edoo kɔ bui mma. Wu i yira sa i agɛrɛ.” (1 Pita 5:10) Dɛ̄dɛɛ̄ ii wee kpesī doā-ɛp. Mɛ Jɛhova nɛ i pya nu a i bɛɛ̄ lokwa i dap be eebah pya lo doā-ɛp. (Le-yɔɔ 139:23, 24) A yira yii kɔ enɛe a mɛm le ekpo o su ye taāŋabah bu bɔloo ture nyiɛ loo.—Buū Pya Filipai 2:13.

 NƆ YERELOO

4. Kiisī lo ekɔ ue nɛ o Gbo a lee eera

Yere kara le nɔ Baibol eyerebah a nɛ kɔ o lu gbo Jɛhova. Bu mɛ sīdee na pya nu ama eyerebah a nɛ kɔ o sikɛ̄ ye tɔɔ̄ waɛloo kaāna a?

Buū Le-yɔɔ 62:8, lɛɛ o agara ebip ama:

• Lokwa o agɛrɛtɛ̄ gbanialoo o ɛrɛ kumaloo Jɛhova, bu mɛ sīdee na o dap nyimɛ kɛ̄ o yere kara doo a?

Buū Le-yɔɔ 1:2, lɛɛ o agara ebip ama:

• Lokwa o agɛrɛtɛ̄ gbanialoo o ɛrɛ kumaloo Jɛhova, bu mɛ sīdee na o dap nyimɛ kɛ̄ o buū Baibol doo a?

Ena o doo lo e’ɛrɛ biī aāloo nɔ Baibol nyɔɔ oloo a? Lo emuɛ pya nu o dap doo, bira lo VIDIO, lɛɛ o agara pya ebip a nyɔɔnɛ ama.

• Amunu lɛra ekɛɛrɛ a le bu vidio ama na enia a esu daānu a?

• Pya amunu ekobee ue na enia a enɔ a?

 TƐƐ̄NYƆƆ

Kiisī lo e’agɛrɛtɛ̄ o gbanialoo kumaloo Jɛhova le lo eseea nu bu edɔɔ̄ sī. Lo sɔ̄ o dap ɛrɛ ekpeloo dum mmɛ deedee!

Ebip Tɛ̄ma Nyɔɔ

• Ena anua o dɛrɛ nyiɛ nyɔɔ Jɛhova kɔ eyerebah a nɛ kɔ o kiisī leere a?

• O agɛrɛtɛ̄ o gbanialoo kumaloo Jɛhova doodoo wa?

• Bu mɛ sīdee na seea nu bu edɔɔ̄ sī eyerebah a nɛ kɔ o kiisī leere a?