Kɛ̄ o dap ɛrɛ biī aāloo enɔānu Baibol ama doo
Dasī tɛɛ̄nyɔɔ ye bɔātɛ̄ ama, lɛɛ o bira lo VIDIO.
TUA GAH
Lo ekpɛ̄naloo loo ziī ziī nuenɔ, buū lo tua gah. Pya ebip alu e’ɛm kunɛ dɛɛ̄ (A) le pya dɔ kpa kaɛ (B) baatɛ̄ pya ye kpog-bee ue. Yere nukuādɛɛ̄ loo kɔ alu e’ɛm “buū” kpaɛ̄ pio dɔ kpa kaɛ.
TAƐYƐƐ
Ye tuatua ue (C) baatɛ̄ pya nu elu enɔ kɛɛ̄ Nɔ Yereloo. Pya nwīgbagbara ekobee ue (D) nuūnabee pya kpog-bee ue elu enɔ. Nyɔɔnɛ nɛɛ a wee a nɔɛ̄nu buū pya lo dɔ kpa kaɛ, agara pya ye ebip, sa si ee pya ye vidio.
VIDIO pya ekpo a le bu esu a kuma loo pya foto le vidio a gbaaloo lo nuenɔ. Pio lo vidio lu taɛ nu a bee sira. Pya lo dɔɔ̄na lu bii si ee lo a naa lu taɛ kɛ̄ a bee sira doo ale pya nɛɛ a bee le bu, mɛ a tɔgɛ pya nu aa sira anii’ee.
Ɛp pya foto a le bu le pya ue a baatɛ̄ foto (E), sa kɛɛrɛ nu o agara loo lo gah a kɔ, Pio Nɛɛ Kɔ (F).
KPƐDUMƐ GAH
Tɛɛ̄nyɔɔ le Ebip Tɛ̄ma Nyɔɔ (G) kɔ pya nu elua enɔ bu ekpurubah. Ɛm biradee alu enɔ lo ekobee ue lɛɛ. Nu Edoo (H) doo kɔ o ɛrɛ nu edoo lokwa o su nu o nɔ yere bu dogo. Gbītɛ̄ Nu (I) aara pya ue o dap buū le pya vidio o dap si ee.
Pya Ekobee Ue
|
|
|
|
Kɛ̄ o dap gbī pya dɔ Kpa Kaɛ doo
Baibol aara 66 nwīesɔgɔ kpa. Alu epoo ye nua baɛ ekpokɛ̄: lo naɛsī Kpa Kaɛ A Bee Lu E’ɛm Bu Muɛ̄ Ue Hibru (“Nama Tɛstamɛnt”) le naɛsī Kpa Kaɛ A Bee Lu E’ɛm Bu Muɛ̄ Ue Grik (“Aā Tɛstamɛnt”).
Sɔ̄ alu ekue ziī dɔ kpa kaɛ bu enɔānu ama, lu esuāloo tɛ̄maloo bee lo kpa Baibol (A), ye ekobee (B), ye barakpaɛ̄ ale pya ye barakpaɛ̄ (C).
Bu edoba, Jɔn 17:3 na kpa Jɔn, 17 ekobee, 3 barakpaɛ̄.
