Kpɛ̄naloo leere sa yere kara kumaloo. Yere kara lokwa o dap sere ekɛɛrɛ nyɔɔ lo ue e a naale nyɔɔ aba ɔɔ. Dābeeloo taɛ kpog-bee ue o gaa gbī ekɔ ue nyɔɔ. Kɔ kɛ̄ o dābeeloo doo, e a naale būbuū kɛ̄ a le bu kpa doo.

Kɔ aā taɛ bu nyiɛ a. Kɛɛrɛ nu anua lo yereue bɛɛ̄ pya o gaa kɔ nɛ. Su ekɛɛrɛ wa bie nyɔɔ. Lo sɔ̄ kɛ̄ o yira yah ale ɛŋɛtɛ̄ kɛ̄ doo, kɛ̄ o su bah a kɔā ue doo, le kɛ̄ o sere sī a doo etɔgɛ kɔ o kɛɛrɛ wa bu loo.

Ɛp pya o gaa kɔ ue nɛ. Ɛp sī pya o gaa kɔ ue nɛ lo a le dodoo wo naa bee piya bu bui barasī lo. Sɔ̄ o gaa nɛ ekɔaue, wee tɔ̄ sɔ̄ o ɛp sī ziī ziī nɛɛ a le kɛ̄ taā o wa tɛ̄ma dɛɛ̄ bee ale ɛp wa bu eku.