Su edoba a waɛ kɔā ue. Su nu a tera baātɛ̄ nu a kuī, sa su nu a waɛ baātɛ̄ nu a aga dookɛ̄ Jizɔs bee doo. O aa su nu edoo kɔ o edoba a aga edābeeloo kɔā ue. Muɛ̄ suā kɔ pya nu o su nɛā edoba kiiloo nu o gaa tɔgɛ lokwa ekɛɛrɛ pya a gaa a gbaɛ̄tɔ̄ naa booga sɔ̄ ue o gaa kɔ naa su ziī.

Kɛɛrɛ pya o gaa kɔ ue nɛ. Sagɛ pya edoba akiiloo nu pya nɛɛ o gaa kɔ ue nɛ wee doo le edoba edɔbiī wa nɛ. Nwaɛ̄dɛɛ̄ taā a doo o nɛ edoba ebɔbɛ wa kɛɛ ale ebiire wa bu.

Tɔgɛ taɛ lo kpog-bee ue. Sere ekɛɛrɛ bie nyɔɔ taɛ lo kpog-bee ue, e a naale pya nwīgbagbara nu a le bu. Muɛ̄ suā kɔ nu pya a gaa a gbaɛ̄tɔ̄ enyɛŋiabu na kpog-bee ue o gaa kɔ e a naale pya edoba o bee nɛ.